Balita Hiligaynon

Photo from Puentevella's Facebook pageKaso nga ginpasaka sang Ombudsman batuk kay anay Bacolod Congressman Monico Puentevella angut sa pagbakal sang gina adlegar overpriced nga mga IT packages ang gindismiss sang Sandiganbayan.Base sa desisyon sang korte, kulang ang ebidensya nga ginpresentar sang special prosecutor sang Office of the Ombudsman para mapamatud-an nga nagsupak sa Anti-Graft and Corrupt Practices Act sanday Puentevella, anay DepEd regional director Victoriano Tirol Jr. kag Jessie Garcia nga presidente kag chairman sang Merryland Publishing Corporation nga supplier sang mga IT packages.Tuig dos mil trese sang ginpasaka sang Ombudsman ang kaso batuk sa mga akusado bangud sang gina alegar pagbakal sang deped sang mga IT packages nga wala nag-agi sa public bidding kag...

Sa downtown sang Bacolod ini ang eksena kaina sang aga. Gin pang saway sang enforcement team sang City Legal Office kutob sa mga vendors nga yara sa sidewalk.Pati ang mga naga pila sa isa ka baligyaan nga wala na naga sunod sa social distancing ginpang saway man sang mga pulis.Ang mga salakyan nga naga parking ginpahalin man. Ang mga naga deliver ang gin pa ariya lang sang delivery kag ginpahalin. May gin designate nga lugar nga pwede maparkingan sang mga motor.Suno sa team leader sang CLO enforcement team nga si Dante Medecielo, masami sila lang ang gina bantayan sang mga vendors kag naga balik naman gani adlaw adlaw sila nga naga balik balik sa downtown.Masunod nila nga target amo naman ang mga vulcanizing shops nga naga okupar sa mga gutter kag dalanon.Kahapon liwat ...

Ginpahayag ni Bacolod City Vice Mayor El Cid Familiaran nga indi matuod ang ginapalapta nga impormasyon sa social media nga pwede na makahampang sang basketball sa mga barangay.Nagalapta karon sa social media ang isa ka info graphics nga may yara sang logo sang Sangguniang Kabataan nga nagasiling nga mahimo na maka basketball sa mga barangay.Pero ginpahayag ni Bacolod SK Federation President Ayesha Villaflor nga indi sa ila naghalin ang amo nga info graphics.Suno kay Familiaran, professional basketball pa lamang ang ginapahanugutan sa karon sang National Inter-Agency Task Force kag indi pa pwede ang local basketball games.Gindugang pa sang bise alkalde nga nagaplano ang lokal nga pangulohan nga temporaryo nga pagkuhaon ang mga basketball ring sa mga barangay agud nga m...

Wala sang may na-record nga bag-o nga COVID-19 cases ang siudad sang Sipalay sandig sa post sang lokal nga panguluhan sang Lunes."Ini aton nadangtan tungod sa inyo pagsunod sa aton mga lokal nga pagsulundan. Gani, padayunon naton ang ini nga estado paagi sa pagsunod sa gihapon sang aton mga health and checkpoint protocols", sandig sa pahayag sang lokal nga panguluhan.As of November 16, 2020, may 126 ang yara quarantine facility kag 1,749 naman ang na discharge.

Patay na sang maabtan sang kapulisan ang 41 anyos nga trisikad driver nga si Dennis Panigue matapos siya nga gin buno buno sang iya man kaupod nga trisikad driver.Suno kay Police Captain Leo Estopa, commander sang Police Station 2, updanay inom Domingo sang hapon ang biktima kag ang suspek nga si Judy Enopia.Ginpapuli na suno sa pulis sang suspek si Panigue bangud tuman na ini ka hubog kag gin manduan nga indi na magbalik.Naakig suno kay Estopa si Panigue gani nagpauli ini kag nagkuha sang kutsilyo kag ginbalikan si Enopia.Pag abot ni Panigue dala ang kutsilyo, nagpalagyo si Enopia kag nag kuha man sang kutsilyo suno sa pulis kag nag lautay ang duha.Sa bahin sang Purok Nangka sa Barangay 3 suno sa pulis na corner ni Enopia ang biktima kag iya na ini ginbuno buno.Dir...

Nagsugod na kahapon, Nobyembre 16, ang Primewater Infrastructure Corporation sa pagdumala sa operations sang Bacolod City Water District base sa ginsudlan sini nga joint venture agreement.Suno sa assistant general manager sang BACIWA nga si Engineer Jenelyn Gemora, 197 ka mga casual kag job order employees nila ang gin absorb sang Primewater kag 190 naman ang nag avail sang retirement package nga gin offer sang Primewater.Pero may yara karon sang 68 ka mga empleyado sang BACIWA nga wala nagpa absorb sa Primewater kag nagpamalibad man sa pagbaton sang retirement package.Tinutuyo sang 25 ka tuig nga joint venture agreement nga mapaayo ang serbisyo sa mga konsumedor pinaagi sa pagdugang sang infrastructure nga nagabalor sang minilyon ka pesos.Damlag pa, gindismiss sang korte a...

Dionilo Bogtae photoGin-rescue sang SEARS Rescue kag BFP personnel ang isa ka boom truck operator matapos nga makuryente sa Sipalay City.Suno sa pamuno sang SEARS Rescue, nga si Dionilo Bogtae, sa ila inisyal nga impormasyon, na-igo sang boom truck nga gina operate sang natungdan nga lalaki ang linya sang kuryente sa Sitio Camp Valdez, Brgy. Mambaroto, mga 3:30 sini nga Lunes sang hapon.Yara ang natungdan sa lugar angut man sa ila nga pagpahamtang sang fiber optics para sa telecommunication lines suno kay Bogtae.Gindala na sa Bacolod ang boom truck operator nga taga Silay City, para matatapan sa na agum nga mga paso sa lawas.

BCPO photoNagtaliwan ang COVID-19 patient nga karga sang ambulansya nga na aksidente sa dalan Lacson-San Sebastian sang nagligad nga semana.Ini ang ginkumpirma ni Mayor Pedro Zayco sang Kabankalan.Suno kay Zayco ang 78 anyos nga pasyente kag isa ka retired nga pulis ang nagtaliwan tungod sang masakit nga ginabatyag kag indi bangud sang aksidente.Ang natabo nga aksidente, kun sa diin may duha pa gid ka iban pa nga salakyan ang nadalahig ang nagresulta man sa kamatayon sang ambulance driver.Samtang, padayon nga naka lockdown ang City Engineer’s Office sang Kabankalan matapos magpositibo sa COVID-19 ang assistant engineer nga nagtaliwan sang Domingo.Padayon nga ginahulat ang resulta sang swab test sang mga nagatrabaho diri.Suno kay Zayco, Lunes sang gin-swab ang mg...

Sipalay PNP photoPatay na kag nagalutaw sa suba sang masapwan Dominggo sang hapon ang bangkay sang 40 anyos nga si Saturnino Tihuk.Siya ang nasapwan sa Sipalay River sa Purok 2, Barangay 3 sa siudad.Sandig sa imbestigasyon sang PNP, gikan sa iya abyan si Tihuk kun sa diin sila ang nag inom.Naglisensya ini nga magkadto sa Sipalay City proper suno sa pulis, pero pagkahapon, sa suba na sya nasapwan nga naga lutaw.Nag gwa sa post mortem examination nga siya ang napatay bangud sang pagkalumos.

Police Station 7 photoIsa ka bangkay sang lalaki ang nasapwan sang kapulisan nga nalubong sa kampo sa Purok Inday Uya sa Barangay Vista Alegre sa Bacolod.Suno kay Police Lieutenant Conrado Espino, hepe sang Police Station 7, napanimahuan lang sang pamilya nga naga puyo malapit sa kampo ang patay gani sang ila nga ginkadtuan, nakita ang nagalabaw nga tiil sang bangkay nga gin lubong.Posible suno kay Espino nga malapit na isa ka semana nga nalubong ang bangkay sang makita bangud sa yara na ini sa state of decomposition.Kahapon nakilala sang pamilya ang bangkay nga amo ang ila missing nga himata suno kay Espino bangud sang suksok sini nga anklet.Siya amo si Genesis Nemenzo nga suno sa pulis sang Hunyo pa gina pangita sang pamilya bangud wala na ini nakapauli.Hibaluon p...