Kaso nga ginpasaka sang Ombudsman batuk kay anay Bacolod Congressman Monico Puentevella angut sa pagbakal sang gina adlegar overpriced nga mga IT packages ang gindismiss sang Sandiganbayan.
Base sa desisyon sang korte, kulang ang ebidensya nga ginpresentar sang special prosecutor sang Office of the Ombudsman para mapamatud-an nga nagsupak sa Anti-Graft and Corrupt Practices Act sanday Puentevella, anay DepEd regional director Victoriano Tirol Jr. kag Jessie Garcia nga presidente kag chairman sang Merryland Publishing Corporation nga supplier sang mga IT packages.
Tuig dos mil trese sang ginpasaka sang Ombudsman ang kaso batuk sa mga akusado bangud sang gina alegar pagbakal sang deped sang mga IT packages nga wala nag-agi sa public bidding kag ang pondo nga gingamit sa pagbakal ang nagikan sa priority development assistance fund sang anay mamalidha.
Nagabalor ang proyekto sang 26 milyones pesos.
Sandig sa desisyon sang Sandigan, indi sa tanan nga ti-on kinahanglan magpatigayon sang public bidding ang pagbakal sang gobyerno ilabi na kun wala na sang iban pa nga supplier sang nagakaigo nga items.
“I thank all the people who prayed for me, who supported me all these 13 years that I was harassed by the lawyers of Bing Leonardia, the first one, the late Allan Zamora falsified the documents in order to put me in a bad light. They did everything to nail me but in the end justice prevailed and God is good, I’m very thankful,” suno kay Puentevella.