Balita Hiligaynon

Dec12020 by Martian MuycoNo Comments

18 anyos nga lalaki nalumos sa Bago River

Bago PNP photoPatay na sang ma recover sang rescue team sang Bago City ang lawas sang 18 anyos nga si Rey Besin nga nalumos sa Bago River sang kahapon.Sandig sa imbestigasyon sang PNP, ang biktima upod sang iya mga abyan ang nag hagaray nga magpangisda sa suba alas otso sang aga kahapon.Matapos magpangisda, sila ang nagpinaligo sa suba.Ugaling suno sa pulis, mahimo wala ma tantyar ni Besin ang kadalumon sang suba gani sang paglumpat siya ang nagsarurot kag wala na makabutwa.Gintinguhaan pa sya ma rescue sang iya mga upod pero wala ini matabangan.Patay na sang ma recover sang rescue ang lawas sang biktima alas 12:30 sang udto.

Dec12020 by Martian MuycoNo Comments

Menor de edad arestado matapos bun-on ang iya himata

Balita Hiligaynon

Kabankalan PNP photoGindakop sang kapulisan ang 16 anyos nga lalaki matapos niya bun-on ang iya paka isa sang Domingo sang gab-i sa Brgy Tampalon sa siudad sang Kabankalan.Sandig sa imbestigasyon sang PNP, naga inom lang sang amo nga gab-i ang biktima upod sang iya amay kag iya mga utod sang mag abot ang iya paka isa nga si Romy Suyo, 30 anyos, kag utod sini.Sila ang nag istorya suno sa pulis sa pamilya sang suspek angut sa problema sa trabaho tubtob nga nag binaisay na.Ini ang nag tulod suno sa pulis sa menor de edas nga bun-on si Suyo.Si Suyo ang may igu sang buno sa tiyan kag gilayon man gindala sa ospital agud ma bulong.Wala man suno sa pulis plano nga pasakaan sang kaso sang biktima ang iya menor de edad nga pakaisa nga nagbuno sa iya.

Dec12020 by Marty GoNo Comments

Mga importante nga pagsulundan sa pagpatuman sang MGCQ sa Bacolod

Balita Hiligaynon, Special Report

Ang mga naga edad 14 anyos panubo kag masobra sa 65 anyos, mga persona nga may immunodeficiencies, commorbidities kag iban nga balati-an kag mga nagabusong ang ginahaylo nga magpabilin sa sulod sang panimalay magluwas lamang kun may importante nga kaladtuan kasubong sang pagpamakal sang essential goods kag servicesAng daily curfew mangin 11:00 PM-4:00 AM pero sarang ini nga maligwat sang alkalde sang siudad pinaagi sa iya emergency powersAng mga opisina sang gobyerno ang mahimo na nga maka operate sa full capacity apang mahimo sa gihapon makapatuman sang alternative work arrangementsMahimo na makabalik sa full operating capacity ang mga establisimiento komersyal nga nalakip sa Category 1, 2 kag 3 magluwas lamang sa mga Barber Shops, Salons kag personal care service establishments, Dine-in ...

Nov302020 by Romeo SubaldoNo Comments

Sunod-sunod ang insidente sang kinawatay, kalabanan sa mga ginakawat mga bisikleta

Balita Hiligaynon, Digicast Negros X

https://www.youtube.com/watch?v=oIUcVh16BLAMartes mga las dos sang kaagahon…makita sa sini nga CCTV footage sa may Carmela Valley Homes sa Barangay 12A sa Talisay City nga may naglabay nga isa ka Adventure. Nag pondo sa unhan. Kag sunod sunod na ang pagnilabay sang apat ka mga lalaki.Kuha ini sa unhan lang sang balay nanday Ember Jean Diaz.Suno kay Ember, sang amo nga mga inoras naka bugtaw siya kay nagpainum siya sang bulong sa iya nga lapsag. Ang iya tiya naka bugtaw man kag nakibot sila nga naga sige tinaghol ang ila nga mga ido sa sulod balay.Pagka aga ila natukiban nga gin sulod na sang kawatan ang ila nga garahe kag ginkawat ang bike kag yabe sang motorisklo. Gintaklas ang ila nga gate kag ginbuksan ang lock.Kagab-i may isa na naman ka puti nga van nga naga balik...

Nov302020 by Marty GoNo Comments

300 ka kilo sang expired nga karne ginkumpiskar sang Task Force Botagoy sa storage room sang isa ka supermarket sa Bacolod

Balita Hiligaynon

TF Botagoy photoIsa ka inspection ang ginpatigayon sang Task Force Botagoy kag City Veterinarian Office sa isa sa mga branch sang Puregold sa Libertad Market sa Bacolod City sini nga aga kun sa diin ila natkit-an ang kapin 300 ka kilo sang expired nga imported nga karne sa ila storage room.Suno sa task force kabahin sang routine inspection ang ila ginhimo kag wala man sang salabton ang tagdumalahan sang supermarket bangud wala man naka display ang mga expired nga karne.Ginsiling sang tagdumalahan sang Puregold nga yara sa ila cold storage ang amo nga mga karne bangud wala pa makuha sang ila supplier matapos nila ginpull out ini sa ila baligyaan sang mag expire na.

Nov302020 by Marty GoNo Comments

Nagabusong nga iloy sa Bacolod naga kwestyun kun ngaa gin home quarantine bisan pa nag negatibo ang swab test result

Balita Hiligaynon, Digicast Negros X

https://www.youtube.com/watch?v=FKrN-jwWsjs&feature=youtu.beNobyembre 23 sang nagpa prenatal check up sa City Health Office ang nagabusong nga iloy nga taga Barangay Pahanocoy, Bacolod City.Suno sa iya bana nga nakigsugilanon sa Digicast Negros, ginpaidalum siya sa swab test bilang standard operating procedure sa mga nagapakonsulta nga nagabusong.Ginpahibalo siya sang Huwebes sang barangay nga nagpositibo siya sa COVID-19 pero wala sang may ginpakita sa iya nga papel nga resulta.Naghingagaw siya pa swab test liwat sa Philippine Red Cross kag nag negatibo ang resulta sang iya swab test.Apesar sang negatibo nga resulta ginpaidalum siya sa gihapon sang barangay sa quarantine.Pero imbes nga sa isolation facility sang siudad ibutang ginpahanugutan siya nga mag home ...

Nov302020 by Martian MuycoNo Comments

Menor de edad nga gina kabig notorious nga akyat bahay, gin tiro patay

Balita Hiligaynon

BCPO photoPatay ang 17 anyos nga si Bobby Delos Santos ukon alyas RJ matapos siya matiruhan sang wala pa makilala nga persona kaina sang kaagahon sa Purok Bayanihan sa Barangay Villamonte sa Bacolod.Base sa inisyal nga imbestigasyon sang Police Station 4, nakit-an nga nagadalagan ang biktima sang gilayon na lang siya gin tiro sang suspek.Nag agum sang madamo nga igu sang bala si Delos Santos.Ang biktima nga menor de edad ang suno sa PNP ginakabig nga isa ka notorious akyat bahay.

Nov302020 by Martian MuycoNo Comments

Amay patay matapos tiruhon sa atubang sang iya anak

Balita Hiligaynon

Ruel Bangoy photoPatay ang 34 anyos nga si Leonardo Garcia matapos tiruhon sang wala pa makilala nga persona kagab-i sa Barangay Sta Rosa sa banwa sang Murcia.Suno kay Police Lieutenant John Paul Tabujara, OIC sang Murcia PNP, naga pungko lang sa gwa sang ila balay upod ang iya 10 ka tuig nga anak si Garcia sang mag abot ang lalaki nga sakay sa motor.Nagbakal ang lalaki sang gasolina nga ginabaligya nanday Garcia kag matapos baligyaan, suno sa pulis gilayon nalang gin tiro sang makapa pila ka beses sang suspek si Garcia.Apat ka basiyo sang calibre 45 ang na recover sa crime scene.Patay na sang mag abot sa ospital si Garcia.Ginalantaw karon nga motibo sang PNP amo ang away sa pamilya.Suno abi kay Tabujara, may bayaw si Garcia nga ila sadto gin pa preso bangud san...

Nov302020 by Martian MuycoNo Comments

1 patay 1 pilason sang mahulog sa pil-as ang motor sa Valencia, Negros Oriental

Balita Hiligaynon

Patay ang 30 anyos nga backrider nga si Karen Lee Torres samtang pilason naman ang iya live-in partner nga si Janmark Yucor matapos mahulog sa pil-as sa kilid sang dalan ang ila motorsiklo sa banwa sang Valencia, Negros Oriental.Sandig sa imbestigasyon sang Valencia PNP, naga dalagan sa dalan ang motor kag sang maglab-ot sa kurbada nga rbahin sang highway, nadulaan sang control si Yucor sa motor bangud sang kadanlog sang dalan kag sila ang nahulog sa pil-as.Lunsay wala sang helmet nga suksok ang duha gani sila nag agum sang mga samad sa ulo.Dead on arrival sa ospital ang angkas nga si Torres.Si Yucor naman ang sa karon padayon nga gina bulong pa sa ospital.

Nov272020 by Barbara MijaresNo Comments

Negros Occidental may 176 ka mga drug cleared barangays

Balita Hiligaynon

May 176 na ka mga barangay sa Negros Occidental ang drug cleared sa 601 ka mga barangay sa probinsya.Ini sandig sa datus sang Philippiine Drug Enforcement Agency. Suno kay Board Member Juvy Pepello, may 31 pa ka mga barangay ang inug deliberate pa base sa datus sang PDEA.Suno kay Pepello nga presidente sang Liga ng Barangay sa probinsya, ang mga barangay ang lubos nga naga suporta sa kampanya konta iligal nga droga pero nagapabilin nga pagpanghangkat amo ang kakulba sang pila sa mga pumuluyo sa pag tudlo ukon pag hatag sang impormasyon nga basi mabalikan sila.Samtang, ang kampanya kontra iligal nga droga ang mas ginpasangkad nga nagalakip sang pakontes sa info graphics kag multimedia drug education campaign kun sa diin si Gwyneth Lambot sang Candoni ang nangin madinalag-on. sun...