Balita Hiligaynon

BCPO photoPatay ang anay pulis nga si Aries John Elmission matapos maka bunggo pasado las 10 kagab-i sa isa ka tricycle dalan Alijis sa Bacolod.Suno sa traffic investigator nga si Patrolman Joseph Casaig, nag overtake sa tuo ang biktima sa iya gina sundan nga SUV ugaling wala siya maglaum nga sa may yara sang naga counterflow nga triycle sa bike lane gani na bungguan ya ini kag siya ang nag tabog.Dead on the spot si Elmission suno sa imbestigador.Ang tricycle nga naga counterflow ang suno naman sa pulis gina tulod lang sang driver nga si Jerome Brose pakadto sa gasolinahan bangud sa nawad-an ini sang gasolina.Wala man masamaran ang driver pero siya ang gin detain na karon sa Police Station 7.

Base sa record sang Bacolod Emergency Operations Center nga humalin sang Setyembre 30 tubtun Disyembre 2, 1,228 sa 1,507 ka mga persona nga ginpaidalum sa swab test bangud sang sintomas sang COVID-19 ang nag negatibo ang resulta.Ang ini nga resulta ang nagapakita sang 81 porsiento nga negativity rate sa bug-os nga siudad.Suno kay Bacolod Mayor Evelio Leonardia, nagapakita lamang ini nga wala sang dapat kahadlukan ang publiko sa pagpaidalum sa swab testing bangud indi matuod ang ginasiling sang iban nga magpositibo ang resulta sa ti-on nga magpa swab test ang isa ka persona.Ginahaylo sang alkalde ang publiko nga gilayon nga magpa check up sa doktor kun may ginabatyag nga sintomas.Nagapadayon man ang pagpatigayon sang Bacolod EOC sang surveillance testing sa nagkalain-lain ng...

Joey Albert Mijares photoSabado sang gab-i sang ginpatigayon ang lights-on ceremony sa Himamaylan City Hall nga ginpamunuan nit Mayor Raymund Tongson kag mga opisyales sang banwa.Napuno sang nagkalain-lain nga duag ang city hall nga naglakip sang isa ka fireworks display.Pero, magluwas sa kalingawan nga nahatag sini sa mga nagtambong, pila ka mga netizens ang nag pahayag sang ila nga kabalaka, bangud makit-an suno sa ila ang pagdagsa sa mga puuluyo.Sa mga litrato kag video, makit-an ang pila sa mga tumalambong nga naga inikit-ikit, apesar kuntani sang ginapatuman karon nga physical distancing.May mga netizens nga nag comment nga kuntani bangud sang hitabo indi madugangan ang pagsaka sang kaso sang COVID-19.Sa live video sa page ni Mayor Raymund Tongson, mabatian man...

Police Station 8 photoNakita Miyerkules sang gab-i sang caretaker sang isa ka beach resort sa Bangga Aning sa Barangay Pahanocoy ang isa ka rifle grenade.Suno kay Police Captain Jun Ray Batadlan ang rifle grenade ang nakita nga yara sa batuhan sa baybay.Bag-o pa ang na recover nga rifle grenade suno kay Batadlan bangud sa wala pa ini sang tuktok.Ini ang gin turnover na sang Police Station 8 sa Explosive Ordnance Disposal & Canine Unit sang Negros Occidental Police Provincial Office.

Patay na sang mag abot sa ospital ang 11 anyos nga si Mike Chryster Billones matapos malumos sini lang nga hapon sa suba sa Purok Neptune, Barangay Singcang-Airport.Suno kay Police Captain Jun Ray Batadlan, hepe sang Police Station 8, si Billones ang nag paligo sa suba kaina upod ang iya tatlo pa ka mga abyan nga lunsay mga menor de edad.Ugaling sa iya pag lumpat sa suba suno kay Batadlan, wala na maka butwa si Billones bangud taob kag madalom ang tubig sa suba.Nagpangayo sang bulig ang iya mga abyan kag ila man ginpahibalo ang iya ginikinan.Pero wala na matabangan kag napatay si Billones.

Bacolod Emergency Operations Center ang nagapahanumdum nga ginadumili-an sa gihapon nga magsulod sa mga malls kag commercial centers ang mga bata naga edad 15 anyos panubo kag kasubong man ang mga naga edad 66 anyos pasaka.Suno sa Deputy for Medical sang EOC nga si Dr. Chris Sorongon, bisan pa nga ginpahayag ni DILG Secretary Eduardo Ano nga pwede na makasulod sa mga mall ang mga kabataan basta upod ang ginikanan ukon guardian, magadepende ini sa gihapon sa lokal nga pangulohan.Base sa pinaka ulihi nga executive order ni Bacolod Mayor Evelio Leonardia nga nagapaidalum sa siudad sa Modified General Community Quarantine, ginapanugyan sa gihapon ang mga naga edad 15 anyos panubo kag 66 anyos pasaka nga magpabilin sa sulod sang ila panimalay agud indi malatnan sang covid-19.Ginduga...

Isa ka 250-bed capacity private hospital ang gina paabot nga mahuman sa tuig 2023 diri sa may Barangay Bata sa Bacolod sa tupad lang sang Ceres North Terminal.Kaina ginpatigayon ang awarding kag contract signing para sa construction sang pasilidad sa isa ka ektarya nga propedad.Suno sa chairman sang construction committee nga si Dr. Jimmy Pacete, state of the art kag moderno nga ospital ang Allied Care Experts Medical Center sa Bacolod nga maka hatag man sang dugang nga trabaho sa mga Negrense.

Gin paidalom sa lockdown ang Bago City Hospital, sumugod subong nga adlaw tubtob sa Domingo.Suno kay Mayor Nicholas Yulo, may pasyente nga nagpositibo sa COVID-19 sang ginpaidalom ini sa re-testing.Negatibo sa virus ang una nga test sang pasyente nga gin-admit sa ospital para magpanganak via cesarean section.Pero nag positibo ini sa virus sang gin re-test suno kay Yulo.Nalakip sa lockdown ang Emergency Department.Suno kay Yulo patigayunon ang disinfection kag maga balik ang operation sang ospital sa Lunes.