Bacolod Emergency Operations Center ang magarekomendar nga indi na pag-ipaidalum sa swab test kag quarantine ang mga naga-inabot nga Locally Stranded Individuals kun may yara na sila sang negatibo nga RT-PCR result gikan sa lugar nga ila ginhalinan.
Suno sa Executive Director sang Bacolod EOC nga si City Administrator Em Ang, magluwas sa pagnubo sang mga kaso sang COVID-19 sa siudad humalin sang nagligad nga bulan, ila nakit-an nga ang mga nagapositibo sa karon nga mga persona ang kalabanan mga LSI, close contacts sang mga nagpositibo kag mga nagabusong.
Kun matigayon ini, indi na sila kinahanglan nga magpa swab test sa ila pag abot sa Bacolod kag indi naman magpaidalum sa quarantine sa isolation facility sang siudad.
Pero gin-athag ni Ang nga rekomendasyon pa lamang ini sang EOC kag kinahanglan pa sang executive order sang alkalde antes ini mapatuman.
Sa karon, mandatory sa gihapon ang swab test kag quarantine para sa mga naga inabot nga LSI sa Bacolod.