Balita Hiligaynon

Sa 101 ka mga ginpaidalom sa surprise drug test para sa Oplan Harabas sang Land Transportation Office Negros Island Region, may isa nga nagpositibo.Suno sa kay Jeck Conlu, Regional Director sang LTO – NIR, isa ka 58-anyos nga lalaki nga driver sang Shopping - Lasalle- Libertad nga jeep ang nag positibo kag ginpadala na sa Cebu ang iya nga urine sample para sa confirmatory test.Ang mga drivers sang tricycle, taxi, modernized kag traditional jeepney kag bus pati na ang mga konduktor ang ginpaidalom sa surprise drug test.Ini ang pamaagi sang LTO nga masiguro nga wala sa impluwensya sang iligal nga droga ang drivers nga gina saligan sang commuters sang ila kabuhi sa kada adlaw.*

Patay ang isa ka 30-anyos nga lalaki matapos matiruhan sa Purok 7, Brgy. Isio sa banwa sang Cauayan, sadtong pagbulag sang tuig.Ang suspek sa krimen nga si alyas "Awa", bata sang barangay kapitan.Antes sang pagpaniro, nagapatunog-tunog sang tambutso ang mga pumuluyo sang nag-itsa sang palupok ang utod ni "Awa" nga si alyas "Budi".Naiguan sang palupok ang hinablos sang biktima nga si alyas "Erwin" gani naakig ini kag ginsumbag si "Budi".Nagluntad ang komosyon kag sang nagtahaw na, nagpadulong si alyas "Budi" sa Cauayan proper.Samtang, nagkumprontahanay sanday "Awa" kag "Erwin" nga nagresulta sa paglabo sang biktima sa suspek.Nalab-an si "Awa" sa ulo. Apang nagpalupok siya sang pusil nga nag-igo kay Erwin rason sang iya kamatayon.*

Nagpanawagan ang Bacolod City Government sa publiko nga buligan nga magpabilin limpyo ang mga lugar bisan pa sa temporaryo nga pagka-delay sang garbage collection.Gin pahayag ni Bacolod City Mayor Greg Gasataya, nga sa tatlo ka adlaw sang clearing operations, kapin 4,000 cubic meters sang basura ang nahakot gikan sa major kag secondary roads kag illegal dumping sites. Umpisa Enero 1, nagpirma na ang syudad sang kontrata sa International Solid Waste Integrated Management Specialists Inc., ukon ISWIM bilang bag-o nga nagakuha sang basura sang siudad.Sa una nga adlaw sang operasyon, naka engkwentro sila sang kabudlayan, apang matapos ang engineering interventions, nabalik sa normal ang landfill operations.Ginpahayag sang LGU nga padayon gihapon ang re-dumping, kun sa diin may ...

Ang CyberCentre kag ang Paglaum Grandstand ang maga serbe nga talatapan sang pila ka mga regional offices sang bag-o natukod nga Negros Island Region.Ini suno kay Negros Occidental Governor Eugenio Jose Lacson nga nag siling nga handa ang probinsya sa pag hatag sang hulot sa yadtong mga nag request sang lugar para sa regional office.Gina paabot nga ang establishment sang mga regional offices matigayon sa first quarter sang sini nga 2026.Ini ang ginalauman nga maga pabakod pa gid sang regional coordination kag maga paayo sang delivery sang govenrment service sa mga Negrense.Ang ini nga mga initiative suno kay Lacson ang naga pakita sang commitment sang probinsya para sa pag tin-ad kag ini ang santo nga naga sabat sa kinahanglanon sang mga pumuluyo.*

Pila ka mga sakayan pandagat ang gin-report nagkalaguba kasunod sang mabaskog nga hangin kag makusog nga balod.Sa banwa sang Manapla may mga pumpboat nga nagkalaguba sa Punta Salong kasunod sang pag-igo sang mabaskog mga hangin dugang pa nga taob.Sa siudad ang Cadiz, may yara man sang nagkalaguba nga sakayan pandagat tuga sang dalagko nga mga balod suno kay Mayor Salvador Escalante.Suno kay Department of Agriculture, Regional Director Jose Albert Barrogo padayon pa ang validation kag pag finalize sang damage report.Samtang, sa report sang Provincial Disaster Risk Reduction Management Office, ang shearline nga nagtuga sang pag-ulan sa nag kalain-lain nga bahin sang probinsya nag dala sang pagbaha sa pila ka barangay sang EB Magalona kag Cadiz pero wala naman sang may gin...

Isa ang gin-report nga napatay bangud sang baha sa Negros Oriental, maulanon nga panahon magapadayon.May report si Romeo Subaldo.https://www.youtube.com/watch?v=sGvEFcFA0II

628 ka mga Bacolodnon ang nakabaton sang ayuda sa idalum sang Assistance to Individuals in Crisis Situation ukon AICS program.Ang payout ginpatigayon sa lobby sang Bacolod City Government Center, para sa mga application nga sakop halin Hulyo 25 tubtob Agosto 29 sang sini nga tuig.Nagalab-ot sa P2,097,000 ang kabug-usan nga balor sang mga medical, burial kag financial assistance para sa mga benepisyaryo nga ginproseso ang application humalin Hulyo 25 tubtob Agosto 29 sini nga tuig.Suno sa City Social Welfare and Development Office, ang ini nga payout kabahin sang padayon nga tikang sang lokal nga panguluhan agud buligan ang mga indibidwal kag pamilya nga naga-atubang sang nagkalain-lain nga krisis.*

Disyembre 26 na lamang ang bilin nga working day sini nga bulan sang Disyembre.Bwas, Disyembre 24 kag 25 ukon ang Christmas day ang holiday.Gindeklarar man damlag pa ni Presidente Ferdinand Marcos, Jr nga holiday ang Disyembre 29 kag Enero 2, gani humalin Disyembre 29 tubtob Enero 2 ukon bilog nga semana ang holiday na.Enero 5 na magabalik ang trabaho sa mga talatapan sang gobyerno.Samtang sa Provincial Capitol, acting governor si Vice Governor Jose Benito Alonso, kag acting vice governor naman si Board Member Genaro Alvarez, IV.On leave si Governor Eugenio Jose Lacson sumugod sang Disyembre 20 tubtob Enero 3, 2026. Siya ang nagbiyahe pa Singapore.Suno kay Provincial Administrator Rayfrando Diaz, personal ang leave sang gobernador.

Nadakpan sang kapulisan ang isa ka high value individual kag nakuhaan sang masobra P2.7 Milyones nga balor sang suspected shabu sa Brgy. Magatas, Sibulan sa Negros Oriental.Lapit sa tunga ka kilo nga illegal drugs ang nakuha kay alyas "Macmac", 33-anyos, nga taga Manjuyod.Nakabaton sang impormasyon ang kapulisan gikan sa confidential informant angut sa mga transaksyon sa iligal nga droga ni "Macmac" rason nga gin-subject siya sa buy-bust.Nakuha sa iya ang 11 ka pakete sang ginasuspetsuhan shabu, isa ka libo ka pesos, 12 ka boodle money kag cellphone.*

Pilas sa ulo ang na agum sang 13 anyos nga lalaki matapos ini ang malukpan sang palupok sa Evo Center Relocation Site, Paet, Brgy. Batuan sa La Carlota City sang Domingo sang gab-i.Suno sa hepe sang La Carlota PNP nga si Police Lt. Col. Eduardo Corpuz, ang biktima ang pinaka una nga firecracker victim sang siudad subong nga 2025.Gina-alegar nga ginbutang sang menor de edad ang palupok sa sulod sang lata nga iya man gina uyatan.Gilayon nga naglupok ang palupok sa lata kag naigo ang biktima sa iya nga ulo.Gilayon siya nga gindala sa ospital para mapabulong.Ang La Carlota City Primary Care facility ang naga pabaskog na sang ila kampanya kontra palupok temprano pa para malikawan ang pagdamo sang mga biktima sang palupok.May mga safety reminders na sila kag mga first...