Balita Hiligaynon

Isa ka lalaki nga pedestrian ang nalapakan sang Fuso Fighter Truck sa Bacolod-Silay Access Road nga sakup sang Hacienda Otilia, Barangay Efigenio Lizares sa Talisay City, Lunes sang gab-i.Tubtob sini nga udto, wala pa sang identity ang lalaki nga nakasuksok sang itom nga t-shirt kag shorts, medium built, ginabulubanta 5’3” ang kataason kag naga-edad 35 tubtob 40 anyos.Sa imbestigasyon, padulong sa Bacolod City ang truck kag naga-usoy sa outerlane sang gulpi lang nagtabok ang lalaki kag nabungguan.Ginamaneho ni alyas “Placido” sang Bago City ang truck.Nakaangkon sang samad sa ulo ang biktima nga karon yara sa Manapla Funeral Homes sa Silay City.*

Patay ang isa ka lalaki matapos gintiro sang anum ka wala pa makilal-an nga mga persona sa Sitio Old Manghanoy sa Barangay Manghanoy, banwa sang La Castellana kagab-i.Dead on arrival sa Rural Health Unit ang biktima nga ginkilala kay alyas “Rehny”, 44-anyos, residente sang amo nga barangay.Nag-gwa sa imbestigasyon nga upod sang biktima ang iya pakaisa nga si alyas “Mark” pakadto sa ila nga fishpond.Samtang nagalakat, pila ka mga kalalakin-an ang gulpi nga nag-gwa sa kampo, nagpalapit sa biktima kag nagtiro sa iya sang makapila ka beses.Matapos ang pagpaniro, nagsinggit ang isa sa mga suspek nga madugay na nila nga ginapangita ang biktima.Nakapalagyo ang mga suspek.*

Suno kay Engr. Orlando Dalipe, Chief sang Annual Inspection Office sang Office of the Building Official, gina-hold ang mga business permit applications sang mga establisimento nga indi makasunod sa CCTV requirements.Ini gina-base sa City Ordinance No. 600, Series of 2012 kag sa DILG Memorandum Circular sang 2022.Ginpahayag man ni Dalipe nga sa ginapatigayon nga mga inspections, ginapasiguro sang ila opisina nga operational ang mga CCTV cameras.Apang ginaklaro niya nga wala gina-require ang paggamit sang mahal ukon mataas nga kalidad nga CCTV system.https://youtu.be/owp3-m5D2Q4Dugang pa niya, ang amo nga tikang indi lamang para sa siyudad kundi para man sa seguridad kag kaluwasan sang mga tenants kag sang publiko.*

Sa Cadiz City, kahalitan sa mga fishing boats lakip na sa mga nets ang nagdangat sa 1.9 million pesos.Ini base sa initial nga report sang Office of the City Agriculturist kay Mayor Salvador Escalante. Ang kahalitan tuga sang mabaskog nga balod kag hangin dala sang shearline sadtong Enero 4.Sa karon padayon pa ang pag consolidate sang report kag mahimo nga magasaka pa gid ang balor sang kahalitan.Sa EB Magalona naman may siyam ka mga pump boats ang nag kalaguba bangud man sang pag igo sang shearline sa report nga na submit sa Office of the Civil Defense NIR.Sa Manapla, suno kay Mayor Mika Escalante mga 80 ka bangka kag pumpboat ang gin-report man nga nag kalaguba bangud sang balod kag hangin. Mahimo nga ini ang magasaka pa.Padayon man ang pag consolidate pa sang datu...

Tubtob sa karon, may mga 500 pa ka indibidual sa banwa sang La Castellana ang naga pabilin sa mga evacuation center kasunod sang pag ka guba sang ila nga mga balay bangud sang bagyo Tino.Duha na ka bulan ang nagligad, pero may mga 500 pa ka pumuluyo nga yara sa mga identified evacuation centers.Ini suno kay John BF de Asis ang pamuno sang Disaster Risk Reduction Management Office sang La Castellana.Ang mga nagkalabilin suno sa iya yadtong mga nag kala wash out ang ila nga mga balay gani wala na sila sang may mabalikan.Ang pila sa ila padayon nga naga tenir sa mga eskwelahan kag iban nga identified nga evacuation site.Nagdangat sa 4,000 sadto ka pumuluyo ang nagkalagub-an sang balay sang mag igo ang bagyo Tino sang Nobyembre 4.“May ara pa inside sang evacuation center sa school....

Naglawig sa tatlo ka oras kag 30 minutos ang pag buga sang abo sang bulkan Kanlaon kaina sang aga.Sa report sang Philippine Institute of Volcanology and Seismology ukon Phivolcs ang weak ash emission ang nagsugod 5:55am kag nagtapos 9:25 am.Ini ang nag generate sang grayish plumes nga nagsaka tubtob sa 350 meters gikan sa baba sang bulkan. Ini ang nagpadulong southwest.Manipis man ang ash emission pero suno kay Mari-Andylene Quintia ang resident volcanologist sa Kanlaon Observatory sa La Carlota, mahimo nga may yara sang ash fall bangud sang kabaskog sang huyop sang hangin karon sa area sang Bago City kag La Carlota City. Pero as of press time, wala pa man sang reported ashfall.Enero 3 ang ulihi nga ash emission nga na-record sa bulkan Kanlaon.Paathag ni Quintia, ka...

Nagapanawagan si Bacolod City Mayor Greg Gasataya sa mga empleyado sang Bacolod City Government nga dapat maayo ang pag akumudar sa mga kliyente, ilabi na ang mga nagaproseso sang business permit, kasunod sang pag-abri sang Business One-Stop Shop para sa 2026.Ginhimo sang alkalde ang amo nga panawagan sa flag-raising ceremony kaina sang aga. Suno kay Gasataya, importante nga ipakita sang mga empleyado ang husto nga kortesiya, suporta, kag respeto sa mga taxpayers nga nagakadto sa government center agud magproseso sang ila mga dokumento.Dugang pa sang alkalde, ang mga taxpayers amo ang nagahatag sang sweldo sa mga empleyado sang gobyerno kada bulan, gani nagakadapat lamang nga sila ang mahatagan sang husto kag maayo nga serbisyo.*

Mga slaughterhouse sa anum ka mga LGU sa probinsya ang gina paabot nga iga-turn-over na sa tagsa ka natungdan nga banwa kag siudad para masugdan naman ang pag-operate sini.File photoIni suno kay Governor Eugenio Jose Lacson nga nag siling nga ini ang kabahin sang ila man nga priority para sa 2026.Ang mga slaughterhouse project nga sa idalom sang PRDP ukon ang Philippine Rural Development Project, upod ang World Bank, National Government kasubong man Provincial Government ang natukod sa Hinoba-an, Cauayan, Binalbagan, Toboso, San Carlos kag Murcia.Suno kay Lacson, ipaidalom sa training ang mga natungdan nga LGU sa pag manage sang facilities santo sa National Meat Inspection Service regulations.Sa pag operate sang mga slaugterhouse mapasiguro ang food safety, quality cont...

Imbukada sang tuig 2026, naka-rekober ang kapulisan sang masobra isa ka milyon ka pesos nga balor sang ginasuspetsuhan shabu sa ginpatigayon nga buy-bust operation sa Diversion Road, Purok 7 sa Barangay Batinguel, Dumaguete City.Nadakpan sang Dumaguete Police Station ang isa ka ginakabig High Value Individual nga ginkilala kay alyas “Melsac”, 46-anyos.Ginlunsar ang buy-bust matapos ma-validate sang kapulisan ang impormasyon nga nagabaligya sang iligal nga droga ang subject sa area.Nakuha sa iya ang apat ka pakete sang ginasuspetsuhan shabu nga may kabug-aton nga 150 grams.Kaso nga pagsupak sa Sections 5 kag 11 sang Republic Act 9165 ukon Comprehensive Dangerous Drugs Act of 2002 ang ipasaka batuk sa gindakop.*