Balita Hiligaynon

Nov272025 by Barbara MijaresNo Comments

Terra Madre Asia and Pacific Sales nagdangat sa P46.5M

Isa ka kadalag-an ang pinaka una nga Terra Madre Asia and Pacific nga ginsakdag sa Provincial Capitol Lagoon sadtong Nobyembre 19 tubtob 23.Ini sandig sa pahayag nga gin-release sang organizers.May 2,500 ka delegates gikan sa nagkalain-lain nga bahin sang kalibutan ang nagtambong kag gina bulubanta 75,000 ang nagbisita.Suno sa organizers, P46.5 million ang event-related sales. Suno kay TMAP 2025 Executive Director Reena Gamboa nabase ini sa consolidated reports sang actual sales sa sulod sang lima ka adlaw.Ang P46,586,200 total sales nag gikan sa sales sang major events kaangay sang Street Food Exhibition, Restaurant and Bar Takeovers, Slow Food Travel, kag Taste Workshops, kag donations gikan sa coffee and Slow Drinks.Wala na diri madala ang income gikan sa hotel ...

Nov272025 by Romeo SubaldoNo Comments

Masobra sa 800 ka mga student writers kag advisers nagtipon para sa 49th COPRE

Balita Hiligaynon

Sa ika 49 nga tuig sang College Press Conference and Awards ukon COPRE, 820 ka mga estudyante kag manunudlo halin sa Western Visayas kag Negros Occidental ang nagtipon sa Iloilo City para sa pagkilala sa mga school publications, Best Performing Advisers kag student writers.Ini ang tuigan nga gina sakdag sang Philippine Information Agency kag ginsuguran ni Allen Del Carmen sang 1976 sang naga trabaho pa ini sa PIA antes nangin isa ka journalism college professor.Ginapasidunggan ang well-performing school publications halin sa magazine, newsaper kag online.May on the spot writing para sa writers pati na ang school paper advisers ang gina kilala man.Sini nga tuig, Climate of Change: Writing the future of resiliency ang tema sang kompetisyon nga santo man sa nagakatabo sa ...

Nov272025 by Shiela Gelera-BragaNo Comments

100 ka boxes sang smuggled nga sigarilyo nakumpiskar sa Sipalay

Balita Hiligaynon

Nakarekober ang katapo sang Philippine Coast Guard-Southern Negros Occidental sang ginabulubanta 100 ka boxes sang gin-alegar smuggled cigarettes sa old port sang Barangay Cartagena sa Sipalay City, kaina sang kaagahon.Nakabaton sang report ang Coast Guard angut sa pag-transport sang smuggled nga sigarilyo sa lugar.Nagdinalagan ang kapin sa 20 ka mga persona matapos mamutikan ang presensya sang mga operatiba sa area.Gin-abandona sang mga crew kag laborers ang sakayan pandagat nga ginkargahan sang mga kinarton nga sigarilyo, pati na ang duha ka mga panel vans nga may karga man nga mga sigarilyo.Samtang, nawasak ang bangka nga yara na sa shoreline, matapos nabunggo ini sa batuhon nga porsyon sang baybay tungod sa dalagko nga balud.Base sa numero nga nakita sa bangka, ...

Nov272025 by Shiela Gelera-BragaNo Comments

Tricycle nabungguan sang salakyan, driver sang tricycle patay

Balita Hiligaynon

Gindeklarar nga dead on arrival sa ospital ang 63-anyos nga driver sang tricycle matapos mabungguan sang Toyota Innova sa national highway sang Purok Boungainvillea sa Barangay Vista Alegre sa Ilog Hwebes sang aga.Naga-usoy sa pareho nga direksyon padulong Kabankalan City ang tricycle kag ang salakyan.Nag-gwa sa imbestigasyon sang Ilog PNP nga yara sa una ang tricycle kag nagasunod ang salakyan sang gulpi lang nag U-turn ang tricycle.Naka-apply sang preno ang Innova apang nalab-ot sa gihapon ang tricycle.Magluwas sa driver sang tricycle, wala na siya sang iban pa nga pasahero.Detained karon sa custodial facility sang Ilog PNP ang 45-anyos nga driver sang Innova nga taga Sipalay City.Suno sa pulis, may initial settlement na sa magtimbang nga bahin.*

Nov272025 by Romeo SubaldoNo Comments

Senior citizen nga mapa check-up tani sang iya bata na anod sa suba

Balita Hiligaynon

Na anod sa Cabay River, Sitio Tabuay, Brgy. Cambagahan, Bais City, Negros Oriental ang 61 anyos nga ginkilala kay alias Elioterio Martes sang aga samtang naga laslas ang bagyo Verbena.Ang biktima kaupod ang iya misis kag 25 anyos nga anak nga gina hilanat ang mapa check-up kuntani.Suno sa ila nga mga himata, una nga nagtabok sa suba ang senior citizen kaupod ang naga masakit niya nga anak.Ginbalikan niya ang iya misis kag samtang naga tabok sa suba gin anod ini.Nagapdayon ang pagpangita sa biktima sang rescuers kag sang PNP.

Nov272025 by Shiela Gelera-BragaNo Comments

Lola patay sa sunog sa Kabankalan City

Balita Hiligaynon

84-anyos nga lola patay sang masunog ang ila balay sa Kabankalan CityNa-trap ang 84-anyos nga lola sa iya kwarto sa ikaduha nga panalgan sang ila nagakasunog nga balay sa Ruiz Subdivision, Purok 6 sa Barangay Talubangi, Kabankalan City Miyerkules sang gab-i.Nag-ibwal ang kalayo pasado las 8 sang gab-i.Bangud may edad kag maluya na, wala makahingagaw gwa sa iya balay si alyas “Adelfa” kag pati siya ang nasunog. Ang iya mga kaupdanan sa balay ang yara sa idalum nga panalgan.Gintinguhaan sang iya pamilya nga salbaron ang tigulang apang tuman na gid kadako sang kalayo sa balay nga himo sa kahoy.Naglawig sang tatlo ka oras ang fire fighting operation kag tigayon nga nakadeklarar sang fire out las 11:23 sang gab-i.Ginsiling ni Fire Officer 3 Alfie Gravela, chief arson...

Nov272025 by Barbara MijaresNo Comments

Extraction tax sa quarry resources, sand and gravel nga na kolekta karon nalapawan na ang 2024 nga total collection

Balita Hiligaynon

Nalapawan na sang probinsya sang Negros Occidental ang tax collection sini sang 2024 sa bahin sang gina patuman nga tax extraction sa mga quarry resources, sand kag gravel.Ginsiling ni Negros Occidental Governor Eugenio Jose Lacson nga ang tax nga nakolekta gikan diri sang 2024, nalapawan na subong pa lang sang mga P1 million.Iya nga ginahaylo ang mga local government units, labi na ang mga barangay nga padayon mag pangapin sa palibot kag dapat nga mangin istrikto angut sa extraction sang sand and gravel sa ila nga mga area. Sila man ang maga benpisyo gikan diri.Kaina sang aga gin sakdag ang isa ka turn-over ceremony sang mga LGU shares sa taxes kag sa mga fees sa quarry resources kag sand and gravel.May napulo ka mga barangay, kasubong man mga siudad kag banwa nga gink...

Nov272025 by Remond ZamoraNo Comments

TUPAD workers nagsugod na paninlo sa mga drainage

Balita Hiligaynon

Nag sugod na kaina sang aga ang massive clearing operations sa nagkalain-lain nga waterways sa Bacolod City sang mga DOLE TUPAD “River Warriors”.Ang grupo sang River Warriors ang magatutok sa paglimpyo, pagkuha sang basura, kag pagkay-o sang mga bara sa mga suba kag kanal nga isa sa mga naga dugang sa pagbaha sa siudad.Target ini nga matapos sa sulod sang napulo ka adlaw.Ang ila operasyon nagatuyo nga mapasangkad ang programa nga ginahimo sang gobyerno agud mapahagan-hagan ang epekto sang malawig nga pag-ulan kag pag-awas sang tubig.Suno sa kay Congressmen Albee Benitez, ini nga tikang isa lamang sa madamo pa nga pamaagi batuk sa problema sa baha sa Bacolod.Upod sa programa ang City Government sang Bacolod, City Engineer’s Office, Department of Public Works and Hi...

Nov272025 by Remond ZamoraNo Comments

Informal settlers sa Mambuloc Creek sa Bacolod handa nga magbiya sa ila nga mga balay

Balita Hiligaynon

Handa na magbiya sa Purok Balinday, Barangay 2, ang 27 ka informal settler families sa tion nga mabaton nila ang financial aid kag relocation site halin sa siuda sang Bacolod.Ini ang suno kay Punong Barangay Imelda Banguanga.Dugang pa niya, may yara sang pila ka pamilya nga indi na kwalipikado para sa relocation site bangud sadto pa sila nangin awardee, apang nagbalik liwat sa lugar.Ginatutukan man ang paghatag sang financial assistance, pag plano sang relocation site, kag pagpatuman sang ordinansa nga naga-regulate sang illegal settlements.Padayon ang monitoring kag evaluation sang barangay kag city officials samtang ginaplano ang long-term solutions para sa relocation kag proteksyon sang mga pumuluyo sa Purok Balinday kag iban pa nga delikado nga lugar sa siyudad..

Nov272025 by Barbara MijaresNo Comments

12,000 ginapaabot nga magtambong sa “Trillion Peso March” sa Domingo

Balita Hiligaynon

12,000 ang gina paabot maga tambong sa November 30 nga “Trillion Peso March” sa Bacolod.Suno kay anay Governor Rafael “Lito”Coscolluela sang grupo nga TAMA NA, sa ila nga listahan sa mulit-sectoral group may 7,000 nga maga upod sa anti-corruption rally nga hiwaton sa mismo Bonifacio Day. Suno sa Bacolod Diocese, may 5,000 gikan sa simbahan ang maga upod sa martsa.Suno kay Bacolod Bishop Patricio Buzon, may 85 ka dioceses sa bilog nga pungsod, kag masobra sa 50 ukon mayoriya ang maga upod sa lihok.Suno kay Coscolluela, may patigayunon man nga kasubong nga activity ang Diocese sang Kabankalan.Sa Bacolod may duha ka mga assembly points sa South Capitol Road kag sa area sa Lupit Church. Mga 12:30 maga sugod tipon kag 1:30 naman sang hapon maga sugod ang martsa padulong sa repli...