Balita Hiligaynon

Na aprobahan sang Martes sang Sangguniang Panlalawigan ang Memorandum of Agreement sa tunga sang Negros Occidental kag sa walo ka mga Tino affected LGUs nga magabaton sang bulig gikan sa Presidential Assistance Fund.Ginpakamaayo sang probinsya nga ang P50 million nga pondo nga nabaton sini gikan sa PAF ang direkta na lamang ihatag sa mga LGU nga na igo sang bagyo Tino.Ang natungdan na nga LGU nga may mga identified nga beneficiaries amo na ang mag distribute sang financial assistance.Suno kay Provincial Administrator Rayfrando Diaz, nga base sa recommendation ni Governor Eugenio Jose Lacson ang La Carlota City, La Castellana kag Moises Padilla ang magabaton sang tig P10 million gikan sa pondo.Ang Bago City, Binalbagan kag Hinigaran tig P5 million kag ang Isabela kag Pontevedra nama...

Ginatagaan sang Bacolod City Government sang tubtub Enero 15 ang mga pumuluyo sa Purok Balinday, Barangay 2 nga apektado sang clearing operation. Sa record sang siudad, may 27 ka panimalay nga ginakabig illegal structures bangud ginpatukod ini mismo sa Mambuloc Creek.Suno kay Atty. Karol Joseph Chiu sang City Legal Officer, ang operasyon nagahulat na lamang sang pirma ni Mayor Greg Gasataya.Dugang pa ni Chiu, nga ang Bacolod Housing Authority ang magahatag sang relocation assistance sa mga apektado nga pamilya, samtang ginpasiguro nga ang mga residente ginhatagan sang malawig nga tion kag konsiderasyon, ilabi na sang holiday season, kag ang tanan nga tikang sang siyudad nagasunod sa nagakadapat nga guidelines.*

Mangingisda, na-rescue sang Coast Guard sa baybayon sang Cadiz City duha ka adlaw matapos magkaya ang iya ginasakyan nga motor banca.Isa ka mangingisda nga taga Carles City, Iloilo ang nakit-an kag na-rescue sang katapo sang Coast Guard Sub-Station Lakawon samtang naga-utaw-utaw sa baybayon sa tunga sang Lakawon Island kag Barangay Cadiz Viejo sa Cadiz City sadtong Lunes.Suno sa Coast Guard, bangud sa dalagku nga balod kag kalain sang tiyempo tuga sang Amihan, nagkulob ang motor banca ni alyas “Junrey” samtang nagalayag siya sa baybayon sa tunga sang Bantayan Island kag Carles sadtong Enero 3.https://youtu.be/G0nb0Dy5OvUNakita sang mga katapo sang Coast Guard ang mangingisda samtang sila ang naga-transport sang mga stranded nga guests halin sa Lakawon Island Resort padulo...

Dungan nga ginpang-guba subong nga adlaw ang mga nakumpiskar sang kapulisan nga ginadumilian nga firecrackers kag pyrotechnic materials sa Negros Island Region humalin December 6, 2025 tubtob January 6, 2026.Lakip sa mga sahi sang palupok nga ginpang-guba amo ang Watusi, Piccolo, Poppop, Five Star, Pla-Pla, Lolo Thunder, Atomic Bomb, Giant Bawang, Atomic Triangle, Judas Belt, Goodbye Delima, Hello Columbia, Goodbye Napoles, Super Yolanda, Mother Rockets, Kwiton, Boga kag iban pa.Ang mga boga ang ginpalapakan sa truck, samtang ang may mga polvora nga klase sang palupok ang ginbutang sa drum nga may unod nga tubig.May kabilugan nga 23,111 ka mga palupok ang nakumpiskar sa mga isla sang Negros kag Siquijor sang nagligad nga Holiday season. Nagabalor ang mga ini sang P437,778.Ang Negro...

Ang Negros Occidental Police Provincial tigayon nga naka confiscate sang 16,002 ka mga palupok nga naga balor sang P305,000.Ini sa gin patigayon nga mga anti-illegal firecracker operations, mga targetted inspection kag strategic checkpoint sa tuyo nga maliwakan ang mga injuries may kaangtanan diri, pag kasunog kag iban pa nga sahi sang hazard.Ginpatuman ang destruction sang sini nga mga iligal nga palupok kaina sang aga.Samtang, sa report sang Provincial Health Office humalin December 21 tubtob January 6, may 100 cases sang fireworks related injuries ukon FWRI.Sang nagligad nga tuig, 107 ang FWRI, nagnubo sa karon sa pito ang kadamuon sang kaso.Suno kay Provincial Health Officer, Dr Girlie Pinongan, ang Bago City ang may pinaka madamo nga kaso nga gin-report. Sang nagligad nga se...

Base sa record sang Bureau of Fire Protection sang Bacolod City, 202 tanan ka mga sunog ang nagluntad sa Bacolod sa bug-os nga tuig 2025.Kalabanan diri structural nga mga sunog nga nagdangat sa 147 kag ang kalabanan sa mga ginhalinan, electrical ignition kag kandila.Nagdangat sa P33.4M ang balor sang halit nga gindala sang kalayo sa amo nga mga sunog.Mas manubo ang kadamuon sang sunog sang 2025 kun ikumpara sa tuig 2024 nga naglab-ot sa 295.Nagdangat naman sa P57.3M ang balor sang halit sang kalayo sa propiedad.https://youtu.be/p2gmpXeLOHISuno sa kay F/Insp Jemarie Tapiru, Deputy City Fire Marshal sang BFP sang Bacolod, kun nagnubo gid man ang kaso ina bangud nga gina sulod na nila ang mga purok sa ila nga kampanya kontra sunog kag sang 2024 isa man sa mga factors...

Suno sa PNP, isa ka parachute flare ang yara sa video kag indi bulalakaw.Ini ang paathag sang Valencia PNP matapos nag-viral ang video post sang isa ka persona nga nag siling nga ang nakuhaan niya sang video amo ang pagkahulog sang bulalakaw sa Valencia, Negros Oriental.Suno sa hepe sang Valencia PNP nga si P/Cpt Donicko Angeles, ang parachute flare isa ka pyrotechnic distress signal nga naga pagwa sang kasanag nga naga attach sa parachute para makita sang rescuers kag masami gina gamit kun may emergency sa baybayon. Nagasiga ini sa sulod sang 40 segundos.Ginkumpirma man sang Bureau of Fire Protection ukon BFP ang resulta sang imbestigasyon sang PNP.Nangin viral ang post gani pangabay sang otoridad sa publiko, antes magpagwa sang kun ano man nga impormasyon nga mahimo m...

Mangin Lunes tubtob Hwebes na lang ang opisina sa mga talatapan sang DENR.Nag pagwa sang public advisory ang Department of Environment and Natural Resources – Negros Island and Siquijor Region nga ang ila nga field offices ang maga sunod sa national pilot implementation sang Flexible Work Arrangement sumugod January 5, 2026 tubtob March 27 sini nga tuig.Sa idalom sang sini nga sistema, gin compress ang work week humalin Lunes tubtob Huwebes, kag ang official working hours mangin 7:00 AM tubtob 7:00 PM.Gina abisuhan ang mga kliyente kag kutob sa may mga transaksyon sa ila nga opisina nga mag transact lamang sa sini nga mga adlaw kag oras.Pinaagi sini ginalauman nga maganubo ang ginakonsumo nga kuryente, tubig kag produkto petrolyo sang ila talatapan.Pero kutob sa mga...

Magapangayo sang bulig si Bacolod City Mayor Greg Gasataya sa Bacolod City Police Office agud makilala ang tag-iya sang puti nga pick up nga nagwigit sang mga basura.Suno sa alkalde, may yara na sang mga video gikan sa CCTV nga nagapakita sang isa ka salakyan nga naga wigit sang basura sa pila ka bahin sang siudad.Wala pa makilala ang tag-iya sang salakyan, gani ginapanawagan niya ang mga barangay officials nga mangin mabinantayon sa mga lugar nga gin limpyohan na sang siudad agud malikawan ang liwat nga pagpilak sang basura diri.Suno naman kay City Administrator, Mark Steven Mayo, may mga area man nga ila i-tag kag i-monitor, kag naga-plano sila nga maga-butang sang CCTV, ilabi na sa mga lugar nga dapat bantayan.*

Isa sa tatlo ka mga persona nga nadakpan sa buy-bust operation sadtong Domingo ang nakapalagyo samtang ginapaidalum sa medical examination sa Silay City Primary Care Facility, Lunes sang hapon.Ginkilala ang pugante kay alyas “Robin”, 19-anyos, residente sang Barangay E. Lopez sa Silay.Duha ka mga pulis ang nag-escort sa teenager kag duha pa gid ka mga suspek sa ospital para sa medical examination. Samtang nagahulat, nagdalagan si alyas “Robin”.Naglinagsanay kag tigayon nga nakapalagyo ang suspek.Matapos ang apat ka oras, mga las 9 kagab-i, nadakpan ang pugante sa follow-up operation.Ginsiling ni alyas “Robin” sa kapulisan, nga nalagyo siya tungod gusto niya makita ang iya bata.May mga record na nga daan sa police station si “Robin” sa kaso nga pagpangawat sang s...