Balita Hiligaynon

Ginsulod sa balay, ginguyod pa gwa antes ginpatay sang pito ka mga armado nga kalalakinhan ang isa ka lalaki sa nabukid nga bahin sang Sitio Mansiguibo, Barangay San Isidro sa banwa sang Toboso kagab-i.Nakaangkon sang madamo nga igo sang bala sa lawas ang 30-anyos nga biktima.Gindala ang lalaki sa Vicente Gustilo District Hospital sa Escalante City apang gindeklarar nga dead on arrival.Sa imbestigasyon sang PNP, mga 20 ka metros ang kalayuon sang crime scene sa balay sang biktima.Ginsiling ni Police Major Jun Ray Batadlan, hepe sang Toboso PNP, wala sang records ang biktima sa barangay kag sa police station.Sa statement ni Ka Cecil Estrella, spokesperson sang Roselyn Jean Pelle Command sang NPA, ila ginsilotan ang biktima kay ila gina alegar nga ini ang naga guide sa 79...

Isa ka bag-ong bun-ag nga lapsag ang nakit-an sa sulod sang plastic bag sa isa ka bakante nga lote sa Aranas Compound, Barangay Camanjac, Dumaguete City Miyerkules sang kaagahon.Isa ka residente ang naka sapo sa lapsag sang magduda siya kun ano ang unod sang plastic nga ginwigit. Didto kag natukiban nga isa ini ka patay nga lapsag gani gin-report niya ini sa otoridad.Ginrespondehan naman sang Dumaguete City PNP ang insidente kag nagpatigayon sang imbestigasyon.Padayon ang pagpangusisa para makilala ang ginikanan sang patay na nga lapsag nga ginwigit lang.*

Nagpain ang Bacolod City Government sang ₱3.4 milyon nga ayuda agud buligan ang mga mangingisda kag mangunguma nga naapektuhan sang Bagyo Tino November 2025.Suno kay City Agriculture Office Officer-in-Charge Maricar Quiro, may 340 ka fisherfolks kag farmers ang magabaton sang tig-₱10,000 nga bulig pinansyal.Ang mga benepisyaryo nagahalin sa nagkalain-lain nga barangay sa Bacolod City lakip na ang Banago, Barangay 1, 2, 10, 13, 14, Pahanocoy, Punta Taytay, Sincang-Airport, Sum-ag, Tangub, Villamonte, Cabug, Granada, Handumanan, kag Vista Alegre.Ang pondo nag halin sa Sustainable Livelihood Program sa idalom sang Department of Social Services and Development sang Bacolod City Government.Ginsiling man ni Quiro, nga ginpain ini nga ayuda agud makabulig sa mga naapektuhan nga se...

Nag dangat sa 13 ang kabilugan nga dengue related deaths nga na-record sang Negros Occidental.Suno kay Dr Girlie Pinongan, ang Provincial Health Officer, padayon pa ang ila nga consolidation para sa 2025 nga dengue report.Pero sa January 1 tubtob December 27 nga report sang Provincial Health Office nagdangat sa 5,349 ang dengue cases sang 2025, nga 26.22 percent nga mas manubo sa kasubong nga period sang 2024.Ang siudad sang Bago ang may pinakadamo nga dengue cases nga na record - 1,140 cases kag 1 dengue death.Naga sunod naman ang La Carlota City nga may 479 cases kag zero dengue deaths, Kabankalan - 478 kag zero dengue deaths, San Carlos City - 295 cases kag 1 dengue death kag Isabela nga may 257 cases kag 3 dengue deaths.Sa mga reported cases, ang 1 to 10 nga age gro...

Kaina sang aga, ginpatigayon ang clearing operations sang City Legal Office Enforcement Unit sa Libertad Public Market bilang kabahin sang tikang sang syudad agud mahawanan ang alagyan sa sulod sang merkado.Kutob sa mga sablag sa alagyan ang ginpangkakas para mapahapos ang pagsinalayo sa sulod sang merkado.Suno kay Ret. P/Col. Levy Pangue, Team Leader sang City Legal Enforcement Unit, nga ang amo nga clearing operations indi kontra sa mga manugbaligya, kundi ginahimo ini para sa safety sa sulod sang merkado.May mga gin-confiscate nga mga kagamitan kaangay sang mga bangko, payong, kag lamesa nga ginbutang sa mga dalan. Ang tanan nga mga nakuha kaina sang aga karon yara na sa impounding area sang siudad.Naga-apela ang Bacolod City Government sa mga bumalakal nga maghatag sang...

Naglawig sang masobra anum ka oras ang pag buga sang abo sang bulkan Kanlaon Miyerkules sang hapon.Pag ka gab-i nagbuga pa gid liwat sang abo nga nag lawig sang masobra isa ka oras.Paathag ni Mari-Andylene Quintia ang resident volcanologist sa Kanlaon Observatory sa La Carlota City nagapakita ini nga ang Kanlaon yara sa iya nga “unrestive” period.Ang mga kasubong nga ash emission suno sa iya mapaabot sa isa ka bulkan nga yara sa Alert Level 2.https://youtu.be/PgY-9Mgkjso2:58 pm ang una nga ash emission sang Kanlaon Miyerkules sang hapon. 6hrs kag 21minutes ini nga naglawig.11:05 pm ang ika duha nga ash emission kag naglawig sa isa ka oras kag 48 minutes.Suno sa Philippine Institute of Volcanology and Seismologynag generate ini sang grayish plumes nga nagsa...

May 2,800 ka mga contractual workers ang gin-renew sang probinsya para sa 2026. Samtang, apat ka department head positions kag isa ka assistant department head position ang bakante sa karon.Suno kay Provincial Administrator Rayfrando Diaz, 668 ka mga casual, 1,076 ka contract of service kag 1,095 ka job order workers ang tigayon na gin renew ang kontrata sini nga 2026.Ang renewal sang kontrata, sa kinaandan ang kabahin sa mga ginapatuman sa una nga semana sang bag-ong tuig bilang kabahin sa pag set-up sang organization.Nalakip sa mga bakante nga position ang Department head para sa Provincial Accounting Office, Provincial Disaster Risk Reduction Management Office, Office of the Provincial Agriculturist, Provincial Human Resource Management Office kag Assistant Department Head sang Ne...

Base sa nabilin nga schedule, tubtob na lamang sa Enero 9, 10 kag 11 ang ginapatigayon nga weekend night market sa Araneta Street sa Bacolod.Suno kay City Administrator, Atty. Mark Mayo nga nagapangita karon si Mayor Greg Gasataya sang lugar nga mahimo nga permanente nga pwesto sang night market.Suno kay Mayo, tuyo nila nga mabuhi liwat ang downtown area sang Bacolod City ilabi na sa tion sang kagab-ihon kag mangin dugang nga palangabuhian para sa mga mangunguma kag magagmay nga mga negosyante.Ginpaathag man niya nga may pila na ka suhestyon sa mga lugar, apang ginatun-an pa ini sang lokal nga panguluhan, ilabi na ang posible nga epekto sini sa lakat sang trapiko.Padayon ang koordinasyon sang LGU sa nagkalain-lain nga opisina antes mag desisyon sa final nga lokasyon sang permanente...

Gindakup sang katapo sang Criminal Investigation and Detection Group ang duha ka mga gin-alegar gunrunners matapos mabaklan sang pusil sa Barangay Tongo, Himamaylan City.Arestado sanday alyas “Ken”, 22-anyos kag alyas “John”, 29-anyos.Narekober sa ila ang isa ka caliber 45 pistol, anum ka caliber 38 revolvers, kag isa ka caliber .357 revolver.Napaslawan ang duha ka mga lalaki sa pagpakita sang firearm permit kag license to own, possess and trade sang nasambit nga mga pusil.Ginpatigayon ang operation matapos makabaton sang impormasyon ang otoridad nga imbulbado ang duha ka mga suspek sa gunrunning activities nga naga-operate sa Negros Island Region.*

Ginpatuman sang Leonardo Panaligan Command-New People’s Army ang silot nga kamatayon kay alias Gaga, 44 anyos, sang Sitio Old Manghanoy, Barangay Manghanoy, La Castellana, Negros Occidental, Lunes sang gab-i.Ini ang base sa statement ni Ka JB Regalado, ang spokesperson sang Leonardo Panaligan Command - New People’s Army. Suno sa grupo makapila na ka beses nga ginpaandaman sang NPA ang biktima kay ila nga gina alegar nga nagapakigbahin siya sa pagduso sang iligal nga droga.Pakadto ang biktima kag ang iya paka-isa sa ila fishpond sang gulpi lang may mga kalalakin-an nga nag-gwa sa kampo, nagpalapit sa biktima kag nagtiro sa iya sang makapila ka beses.Matapos ang pagpaniro, nagsinggit ang isa sa mga suspek nga madugay na nila nga ginapangita ang biktima.*