Balita Hiligaynon

132 ka mga pamilya nga naga okupar sang lugar sakop sang 4km permanent danger zone sa Kanlaon nga ginakabig man sa karon nga strict protection zone ang hinyuon nga maga biya na sa amo nga area.Ini suno kay Department of Environment and Natural Resources Negros Island Regional Director, Charlie Fabre nga nagsiling nga kabahin ini sa tikang nga ila nga ipatuman kasunod sang nagluntad nga pag baha dala sang bagyo Tino nga nagtuga sang pag kautas sang 98 ka kabuhi kag tuman nga kahalitan sa infrastructure kag agrikultura.Suno kay Fabre, luyag nila nga ibalik ang lasang sa sining mga special protected zone bangud isa sa mga natukiban nila sa pag pangusia nga ginpatigayon kasunod sang pagbaha amo nga na convert ang ini nga mga lugar sa agricultural area.https://youtu.be/03uHscreHr4 ...

Bagyo Wilma gina-forecast sang PAGASA nga malabay sa Negros Domingo sang aga.Nangin bagyo na ang low pressure area sini nga aga kag gintawag ini nga si Wilma nga ika 23 nga bagyo nga nag sulod sa Pilipinas sini nga 2025.Under sa tropical depression ang classification ni Wilma.https://youtu.be/GoKVOAC_tp4

Isa ka patay nga bagis ang nasapwan sa baybayon sang Bangga Elio sa Purok 3, Barangay Tiling sa banwa sang Cauayan.Nakita sang mga pumuluyo nga naga-utaw-utaw ang bagis sa baybay Miyerkules sang aga.Ginabulubanta nga naga-laba ini sang siyam ka tapak.Sa post sang Marine Wildlife Watch of the Philippines, isa ka Environmental Conservation Organization, ila gin-identify ini bilang isa ka megamouth shark.Suno sa Philippine Journal of Fisheries, makabig nga pinasahi kag talagsahon lang nga makita ang megamouth shark, nga na-belong sa species sang deepwater shark.Sa karon, gina-usisa pa sang otoridad ang gintunaan sang kamatayon sang nasambit nga marine mammal.*

Isa ka soltero ang gindakop matapos nagpanumbag sang pulis kag nanghaboy bato sa patrol car sang Hinigaran PNP sa Santo Rosario Subdivision, Barangay Nanunga sa banwa sang Hinigaran.Nagresponde ang kapulisan sa lugar matapos makabaton sang report angut sa alarm and scandal kung diin gin-alegar naga-eskandalo kag ginamaltrato sang 21-anyos nga si alyas “Raco” ang iya iloy.Ginsumbag sang suspek sa nawala nga mata ang isa ka nagresponde nga pulis nga may ranggo nga Corporal, kag ginhaboyan bato ang patrol car sang Hinigaran PNP, rason nga nabuka ang windshield kag side mirror sini.Gindakup kag gin-rikisa ang suspek, kun diin nakuha sa iya bulsa ang duha ka mga pakete sang suspected shabu.Ginpaidalum sa drug test ang suspek kag base sa resulta, positibo ini sa pag-gamit san...

75.38 percent na sa mga barangay sa Negros Island Region ang tigayon na nga na clear gikan sa iligal nga droga.Ini base sa report sang Philippine Drug Enforcement Agency sa 4th Quarter Regular meeting sang Provincial Anti-Drug Abuse Council.Sa Negros Occidental, 87.69 percent sa 601 ka mga barangay sini ang drug cleared.Nagakasayuran nga 515 ang drug cleared barangays sa Negros Occidental, 74 ka barangay ang nabilin pa nga iga-clear.May 12 naman ka mga barangay ang ginakabig drug-free barangay suno sa PDEA.May 17 naman ka mga banwa kag siudad sa Negros Occidental ang drug cleared na kag ang pinaka ulihi amo ang Silay City.Sa Negros Oriental naman, 60.50 percent ang drug cleared barangays kag ang Siquijor, 100 percent ang drug cleared.Ang Bacolod nga highly u...

Isa ka nagakaagnas nga bangkay sang lalaki ang nasapwan sa sulod sang Hyundai Getz nga salakyan sa Palm State, Futura Homes sa Barangay Efigenio Lizares, Talisay City kagapon.Ginabulubanta 5 feet and 2 inches ang kataason sang biktima, naga-edad 35 tubtob 40 anyos, kag nakasuksok lamang sang pula nga boxers shorts.Nasapwan ang bangkay sa nakahilay nga driver’s seat kag posible nga tatlo tubtob lima na ka adlaw ang bangkay sa sulod sang salakyan.Wala naman sang missing nga persona sa siudad sang Talisay, suno sa pulis.Indi kilala sang tag-iya sang salakyan ang patay nga tawo.Ginsiling ni Police Major Rhazl Jim Jocson, deputy chief sang Talisay PNP, wala masyado nga ginagamit sang tag-iya ang salakyan bangud gingamit niya ang battery sini sadtong nagbagyo kag may isa ...

Patay ang isa ka opisyal sang New People's Army (NPA) sa natabo nga engkwentro sa tunga sang nabilin nga pwersa sang Central Negros 2 kag 94th Infantry Battalion sa Sitio Cabagal, Barangay Buenavista, Himamaylan City, pasado las-7 sang Martes sang aga.Suno kay Lt. Col. Ziegfred Tayaban, Commander sang 94th IB, nakabaton sila sang impormasyon gikan sa mga sibilyan nga may mga armado nga grupo nga nagapangilkil sa contractors kag mangunguma samtang naga patapas sang tubo.Gani nagpatigayon sang operasyon ang militar sa lugar kag ila na-engkwentro ang ginabulubanta lima ka mga miyembro sang rebelde.Nagresulta ini sa pagkapatay sang platoon squad leader nga ginkilala kay Romel Tingal alias Marcos.Narekober sa iya ang isa M16 rifle, ginabulubanta 100 rounds sang M16 nga bala ...

Unanimous nga gin-aprobahan sang Sangguniang Panlalawigan sang Negros Occidental ang P7.6 billion nga budget para sa 2026.Ginapasalamatan ini ni Governor Eugenio Jose Lacson nga naga haylo man sa iban nga mga banwa kag siudad nga magpasar naman sang ila nga 2026 budget antes mag takop ang tuig.Suno kay Lacson, iya gin panginbulahan si Board Member Marxlen dela Cruz nga amo ang chairperson sang committee on Finance nga amo suno sa iya ang nag pasiguro nga mahikot ini humalin Day 1.Nalakip sa 2026 budget ang mga proyekto nga naka align sa Abanse Negrense platform suno kay Lacson sa patag sang agrikultura, infrastructure, improvement sa Disaster Risk Reduction and Management kasubong man investment para sa digitalization.Kun masarangan man sang probinsya, maga patuman sang...

Ginaklaro sang alkalde sang La Castellana nga ang P10 million pesos nga pondo gikan sa Presidental Assistance Fund ang indi para sa housing assistance sang mga nagub-an balay.Ginsiling ni Mayor Añejo Nicor nga ang P10 million nga pondo nga gin-release sang Macañang bilang bulig sa halit nga natuga sang bagyo Tino ang wala pa ma tandog, pending sang compliance sa mga requirements.Paathag niya, sa karon gina hulat pa ang approval sang Sangguniang Bayan para sa ginkasugtan nga gastuhan sang P10 million nga pondo.Nalakip sa allocation sang P10 million pesos amo ang kagastuhanan sa fuel, cash assistance, food assistance kag ang para sa diversion road.Ang mga nasakop nga gastuhan sang P10 million pesos nabase suno kay Nicor sa recommendation sang Municipal Disaster Risk Reduc...

Ginsiling ni City Administrator Atty. Mark Steven Mayo nakabaton siya sang report nga may mga garbage collectors nga naga nagapanghatag sang sobre kag nagapangayo sang solicitation samtang naga pangolekta sang basura, labi na subong nga bulan sang Disyembre.Bisan sa idalom sang BENRO ukon private contractor, indi ini pwede.Dugang pa sang City Administrator, ginadumilian ang tanan nga empleyado sang lokal nga gobyerno nga mangayo sang kwarta ukon ano pa man nga sahi sang pagpangayo-kayo.Pahayag pa ni Mayo nga indi dapat pag gamiton sang bisan sin-o ang ila posisyon kag ang pangalan sang siudad para sa personal nga interes.Suno pa kay Mayo nga indi pag i-tolerate ang paghatag sa bisan sin-o nga nagapangayo solicitation ilabi na kon empleyado sang syudad.May yara sang ...