Balita Hiligaynon

Napatay ang rider matapos nakabunggo ang iya ginamaneho nga motorsiklo sa gutter sa Circumferential Road, sakop sang Purok Active sa Barangay Mandalagan, Bacolod City, kagab-i.Sakay sa iya motor si alyas “Quirico”, 38-anyos, residente sang Brgy. Banago sa Bacolod.Nag-gwa sa imbestigasyon sang PNP nga padulong sa sur sang Circumferential Road ang lalaki sang nakabunggo ang iya motor sa gutter. Bangud sang impact, nagtabog ang rider.Gindala si alyas “Quirico” sa Corazon Locsin Montelibano Memorial Regional Hospital apang ginbawian sang kabuhi.Ginsiling ni Police Major Elmer Bonilla, hepe sang Traffic Management Unit, wala pa mahibaluan ang rason kun ngaa nakabunggo sa gutter ang nasambit nga driver.*

Ginpresentar sang International Solid Waste Integrated Management Specialists Inc. ukon ISWIMS ang ila proposed schedule sang garbage collection sa mga punong barangay sa siudad sang Bacolod.Ginpatigayon ang presentasyon kaupod ang BENRO, mga miyembro sang Sangguniang Panlungsod kag ginpangunahan ni Mayor Greg Gasataya, agud mabaton sang ISWIMS ang mga suhestiyon sang mga barangay antes i-finalize ang regular nga schedule sang pagkolekta sang basura, ilabi na sa inner roads kag subdivisions.Suno sa ISWIMS, sa sulod sang isa ka semana, naka-kolekta na sila sang 10,512 cubic meters sang basura, lakip ang mga backlog antes sang opisyal nga pagsugod sang operasyon. Ginpahayag man nila nga may ginpatuman nga engineering improvement sa sanitary landfill sa Brgy. Felisa kag may 60 ka bag-...

May pagdamo gid man sa karon sang kaso sang trangkaso.Ini bangud sang matugnaw nga panahon. Kun bulan abe sang Enero, peak sang hangin nga Amihan diri sa Pilipinas gani matugnaw ang dapya sang hangin, ilabi na kun gab-i kag kaagahon.Suno sa kay Dr. Grace Tan, ang pamuno sang Environmental Sanitation Division sang City Health Office, isa ini ka sahi sang influenza pero kun ano nga sahi sang virus ang naga tuga sini, indi pa mahibaluan.Suno kay Tan indi man abe ang tanan nga gina trangkaso ang naga pa konsulta.May gina tawag nga seasonal influenza ukon ang seasonal flu, isa ka acute respiratory infection tuga sang influenza virus kag yara lang sa palibot.Ini ang mahimo magresulta sa paglain sang pamatyag sang pasyente pwede mild lang ukon severe. Kag mahimo man magresult...

Matapos ang duha ka bulan humalin sang nag-igo ang bagyo Tino, target karon sang banwa sang La Castellana nga matigayon na saylo sa mga tents ang mga evacuees nga naga tenir sa La Castellana Elementary School.Suno kay Remuel Lajo ang PIO sang banwa, padayon ang pag pahamtang sang mga tents gikan sa Office of the Civil Defense sa Colegio de La Castellana para temporaryo nga masayluhan sang 83 ka pamilya ukon 319 ka mga individuals bangud kuhaon naman balik sang eskwelahan ang mga classrooms karon nga nagbalik na ang klase.Suno kay Lajo target nga matigayon ang transfer sini nga weekend. Pero suno sa iya may mga iban pa nga Tino affected evacuees nga naga tenir sa lain-lain nga mga evacuation centers pa gid nga napahamtang sa mga barangay.Sa karon suno kay Lajo may 370 famili...

Bulkan Kanlaon ang liwat nagbuga sang abo sini lamang nga hapon.Sa advisory sang National Disaster Risk Reduction Managment Council, gina pahalong ang tanan bangud sang posible pag tupa sang abo gikan sa pag buga sang bulkan Kanlaon sa southwest direction mga 1:45 sini nga hapon.Sang nagligad lamang nga adlaw, maka duha ka beses man nga nag ash emission ang bulkan. Ang una naglawig sang masobra sa anum ka oras.Sa pihak nga bahin, opisyal na nga gin turn-over ni Office of the Civil Defense Western Visayas Director, Raul Fernandez ang chairmanship sang Regional Task Force Kanlaon kay OCD Negros Island Regional Director, Donato Sermeno, III kaina.Ginsaksihan ini mismo ni Civil Defense Administrator, kag NDRRMC Executive Director, Harold Cabreros ang turn-over.Suno kay Serm...

Mismo diri sa Negros Occidental patigayunon ang House-Senate inquiry angut sa gina atubang sa karon nga pag panghangkat sang industriya sang kalamay.Gin-announce ni third District Representative Javier Miguel Benitez nga maga host sini nga ang amo nga House-Senate inquiry ang patigayunon sa Enero 23 kag ini ang pamunuan ni Representative Mark Enverga para sa House kag ni Senador Francis Pangilinan para sa Senado.Suno kay Benitez ini kasunod sang resolution nga iya gin-file kun sa diin siya ang nagpanawagan sang joint House-Senate inquiry sa sugar industry.Importante ini nga bagay para tigayon mabatian ang mga tingug sang farmers suno kay Benitez para mabuligan ang sugarcane industry.Gina abi-abi ini ni Negros Association of Chief Executives, Cadiz Mayor Salvador Escalante, ...

Negros Occidental ang naka-record sang 116 tanan ka fireworks-related injury. Bago City ang may pinaka madamo nga na-record nga insidente.Sa datus sang Provincial Health Office humalin sang December 21, 2025 tubtob Enero 6, 2026, 116 ang fireworks-related injuries.Suno sa PHO, 67 sa sining mga kaso ang may yara sang active involvement ukon sila mismo ang nangamot sa pag sindi sang palupok. 49 naman diri ang passive cases ukon mga nasamaran bangud na-ulamid lang.22 sa sining nga fireworks related injuries tuga sang triangulo.Kag pinaka damo ukon most common type sang injury amo ang blast/burn with no amputation - 83 cases.26 naman sa sining mga kaso ang tuga sang liquor intoxication ukon yara sa idalom sang impluwensya sang makahulubog nga ilimnnon.Kalabanan sa mga i...

Naglab-ot na sa 1,987 ka mga aplikante ang naserbehan sa Business One Stop Shop sang Bacolod City Government humalin sang Enero 5.Suno kay Business Permit and Licensing Office Head, Stella Rose Rayos, 70 diri ang mga bag-o nga aplikante samtang 1,916 na man ang nag-renew sang ila nga mga business permits, kag may 72 na ka mga permits ang ila na-issue.Dugang pa niya, nangin hangkat sa ila ang nagabisyo nga server, apang gilayon man nga nasolusyonan sang IT department kag ginalantaw nga mas mangin matawhay na ang proseso sumugod subong nga adlaw.May 3,854 ka mga aplikante ang naserbehan sang siudad sa ila ginapatigayon nga advanced processing sadtong nagligad nga tuig.*

Namutikan sang pulis sa Sipalay City ang isa ka salakyan nga may karga nga mga smuggled cigarettes paagi sa impormasyon gikan sa isa ka concerned citizen.Padulong ang Toyota Revo nga salakyan sa Purok Isdaan, Zone 1 sa Brgy. Cartagena, Sipalay City sang ini ang ginkadtuan sang kapulisan kag naaktuhan ang driver nga naga-diskarga sang isa ka bukas nga karton sang sigarilyo.Namangkot ang pulis sa driver kun nagabaligya siya sang sigarilyo, kag sang makita nga wala sang graphic health warning ang mga ini, ila siya nga gindakup sa paglapas sang Republic Act 10643 ukon ang Graphic Health Warnings Law.Narekober sang kapulisan ang salakyan kag ang 20 ka karton nga may unod nga 1,000 reams sang smuggled cigarettes, kag nagabalor sang P460,000.Nag-coordinate ang Sipalay PNP sa Burea...

Nasapwan nga nalubong sa sulod sang kampo nga sakop sang Hacienda Rojas, Barangay Blumentritt sa banwa sang Murcia, Negros Occidental, ang mga tul-an Miyerkules nga adlaw.Suno sa kabo nga si alyas “Cyrel”, nakapanimaho sang kalain nga klase sang baho ang isa niya ka sakada nga nagatapas sang tubo.Rason nga gin-check nila ang lugar kag gin-trace ang ginahalinan sang baho.Didto kag ila nakit-an ang tul-an sang tawo nga nalubong sa sulod sang kampo.Ginsiling ni Police Capt. Honey Labaro, hepe sang Murcia PNP, indi mahibaluan kun iya sang lalaki ukon babaye ang mga tul-an.Nagahulat karon ang Murcia PNP sa resulta sang examination nga ginhimo sang SOCO.*