Balita Hiligaynon

Provincial Tourism Officer sang Negros Occidental ang nag-file sang appeal sa Civil Service Commission matapos nga gin-deny ang ila gin-file nga motion for reconsideration may kaangtanan sa 6 months suspension nga ginpapanaog sa ila.Ginsiling ni Provincial Legal Officer, Alberto Nellas, Jr., nga sang December 22, 2025 nabaton ni Provincial Tourism Officer nga sadto nagserbe bilang manager sang Mambukal Resort and Wildlife Sanctuary, Cheryl Decena, kag apat ka iban pa nga disbursing officers sang Mambukal nga gin-suspend ang pag deny sang ila nga motion for reconsideration.Suno kay Nellas, wala na sila sang may nakita pa nga bag-o nga gin-present nga ebedensya nga mangin rason para mabaliskad ang desisyon sa simple neglect of duty nga kaso nga ila gina atubang.Suno kay Decen...

Suno kay Business Permits and Licensing Office head Stella Rose Rayos, yara na sa 15,615 ka mga establisyemento ang nagparehistro para sini nga tuig 2026.Mas mataas ini kon ikumparar sa 15,022 ka mga nagparehistro sang 2025.Dugang pa ni Rayos, sa karon wala pa sila nakabaton sang bisan ano nga pormal ukon opisyal nga reklamo angut sa proseso sang pagkuha sang business permit.Samtang, ginpahayag man ni Rayos nga ginalauman nga mangin mas madasig kag masulhay pa gid ang sistema sa masunod nga tuig, ilabi na bangud nagatanyag na sang online nga pagproseso ang ila opisina.*

No build zones nga sakop sang mga kilid sang suba sa La Carlota City ang tuyo nga mas palaparon.Nakasaad sa official page sang La Cartlota City PIO, nga sa ginpatigayon nga first quarter meeting sang City Disaster Risk Reduction Management Council, ipatuman sang siudad ang mas istrikto nga compliance sa no build zones.Para man mapahagan-hagan ang risgo, ginduso nga mas palaparon pa gid sa 20 metros ang no-build zones gikan sa threshold sini karon.Na apektuhan ang mga suba dala sang pag ab-ab sang mga kilid sini pag igo sang bagyo Tino.Nakasaad pa gid nga ang anuman nga istruktura nga ara na sa sulod sang danger zone ang indi na pagtugutan nga mag expand. Dumilian man ang dugang nga pag patindog sang ano man nga structure diri.Sa pihak nga bahin, nagapabilin pa tubto...

Base sa report sang Department of Agriculture Negros Island Region, may gin-report nga rice black bug infestation sa Maslog, Sibulan, Negros Oriental.Ginkadtuan sang DA-NIR ang area sang kahapon.Suno kay Bernard Limbaga, Agricultural Program Coordinating Officer sang Negros Oriental, base sa ila aktwal nga inspeksyon sa humayan, indi seryoso ang infestation sang rice black bug gani wala sang dapat kabalak-an bangud kontrolado man ang sitwasyon.Base sa mga nakolekta nga datus, isa lang ukon duha ka rice black bug ang nakita halin sa kinse ka samples nga nagalakip sang 1.5 ektarya nga talamnan.Nagpasalamat si Porferio Ejercito, isa ka seed grower kag tag-iya sang duta bangud gilayon nga ginkadtuan sang DA-NIR ang iya nga lugar.Nagapanawagan naman ang DA-NIR sa tanan n...

Governor Lacson ang naga suporta sang kampanya sang SRA kontra sa pag sinulod sang articial sweeteners.Mga sugar leaders ang nagsapol kay Governor Eugenio Jose Lacson kag Vice Governor Jose Benito Alonso sang Martes sa tuyo nga maghinyo sang suporta sang gobyerno probinsyal para sa kampanya nga mapahagan-hagan ang pagsulod sang artificial sweeteners.Ginsiling ni Sugar Regulatory Administrator, Pablo Luis Azcona, nga ang target nila ang pagdamo sang sucralose nga labing nag apekto sa domestic sugar consumption sang mga large-scale manufacturers.Gin-updan si Azcona ni Sugar Board Member David Sanson kag UNIFED President Manuel Lamata sa amo nga meeting sa kapitolyo.Iya ginsiling nga ang artificial sweeteners naga naga sulod sa pungsod ginabulubanta equivalent sa 750,000 m...

Suno kay Bacolod Environment and Natural Resources Office ukon BENRO OIC Atty. Allyn Luv Zamora-Dignadice, wala na sang problema sa backlog sang basura sa siudad.Apang padayon gihapon ang problema sa illegal dumping ilabi na sa mga lugar nga nalimpyohan na apang gina habuyan sa gihapon sang basura.Suno pa kay Dignadice, padayon ang ila kooperasyon sa mga punong barangay sang siudad sang Bacolod agud mapabaskog ang pag monitor kag pagpatuman sang mga patakaran angut sa basura.Dugang pa niya, kinahanglan man nga mangin aktibo ang mga punong barangay sa pagdisiplina sang mga residente nga illegal dumping.Suno pa kay Dignadice, magapatigayon sang re-orientation ang BENRO nga updan sang mga barangay officials kag mga katapo sang DENR–Environmental Management Bureau – Negros...

Pinaagi sa Information Technology System sang Land Transportation Office, nakilal-an ang rehistrado nga tag-iya sang motorsiklo nga wala nag hatag sang ligwa sa firetruck para makalabay sang maga-responde ini kuntani sa sunog sa Barangay Alijis sa Bacolod City.Ginmandu-an sang LTO ang registered owner kag ang driver sang motor nga magpakita sa LTO-NIR Regional Office sa sulod sang lima ka adlaw, humalin sa pagbaton sang Order.Sila ang ginamandu-an man nga magpasa sang written explanation angut sa natabo.Base sa initial findings sang LTO, isa ka call center agent ang driver sang motor kag wala siya sang valid nga driver’s license.Ginsiling ni LTO-NIR regional director Jeck Conlu, sa idalum sang laye, mandatory ang pagpahigad sa dalan kun may malabay nga mga emergency vehicles.Ang ...

Sa Memorandum Order No. MSM-07, Series of 2026 nga ginpagwa sang Office of the City Administrator sang Enero 16, ginmanduan ang tanan nga departamento kag opisina nga magkuha sang permit antes magpatigayon sang distribusyon ukon donation sang pagkaon sa sulod sang premises sang BCGC.Ini kasunod sa mga kaso nga may mga pagkaon nga mga napan-os kag foreign object nga yara mismo sa pagkaon.Nasaad sa memorandum nga gin papanaog ni City Administrator Mark Mayo, nakasaad nga ang tikang ginpatuman agud masiguro nga safe ang mga empleyado, kliyente, kag bisita sa sulod sang Bacolod City Government Center, kag malikawan ang posible nga health risks.Sakop sang patakaran ang tanan nga klase sang pagkaon, lakip na ang luto, hilaw, ukon processed food products, bisan ano pa ang pamaagi sang pag p...

Ginsiling ni Atty. Reuben Mikhail Sabig, pamuno sang Bacolod Traffic and Transport Management Department ukon BTTMD, ang mga katapo sang towing team naga una anay sang 5 ka minutos nga warning agud hatagan sang tsansa ang mga salakyan nga naka park sa towing area nga makahalin.Kag kun magsobra na sa 5 ka minuto nga indi pa maka halin ila na ini gilayon nga ikarga sa towing truck.Ang mga salakyan ukon motor nga nakapark sa illegal areas ginahatagan sa gihapon sang ticket bilang violation sa parking ordinance.Dugang pa ni Sabig, nagka problema ang departamento bangud napuno na ang impounding area sa Brgy. Alijis, gani kinahanglan gid ang husto nga pagdumala sa mga na tow nga mga salakyan.Iya man ginsiling nga kada adlaw, may duha ka enforcement team nga ginadeploy agud bantayan ang m...

Patay ang 40-anyos nga lalaki matapos gintiro sa Hacienda Unson, Barangay Santa Teresa sa Manapla sang Lunes.Sa imbestigasyon sang Manapla PNP, may saksi nga nakapanugid nga isa ka ginkilala kay alias George ang nagtiro sa biktima. Wala na sang may natabo pa nga sugilanon, hinali na lang nga gintiro sang suspek sa lawas ang biktima apang nakapalagyo pa ini gani iya ginlagas kag liwat nga gintiro sa ulo.Nalagyo ang suspek matapos ang insidente kag nakuha sang pulis ang isa ka bala sang caliber .45 nga pusil sa crime scene.Nakapanugid ang amay sang suspek sa mga pulis nga may dumot ang iya anak sa biktima bangud iya gina alegar nga ini ang suspek man sa pagpatay sa iya nga tiyo.Padayon nga ginpangita sang mga pulis ang suspek.*