Romeo Subaldo

Patay ang apat ka mga persona nga sakay sa AUV matapos makabunggo sa isa ka mixer truck sa Diversion Road, Brgy. Batinguel Dumaguete City Negros Oriental sang Sabado.Ang driver sang mixer truck naga-edad sang 59-anyos kag residente sang Brgy. Tinago siudad sang Dumaguete samtang ang driver sang AUV ang naga-edad sang 45-anyos.Sakay sa Avanza ang anum ka mga pasahero nag naga-edad sang 59-anyos, 48-anyos, 19-anyos, kag duha ka mga menor de edad kag lunsay mga residente sang Mandaluyong City.Sa imbestigasyon sang PNP pasugata ang direksyun sang duha ka salakyan kag pag abot sa naga kurbada nga dalan naglapaw ang Avanza sa lane sang truck nga nagresulta sang pagbungguanay.Nakaagum sang malubha nga mga pilas ang apat ka mga sakay sang salakyan kag gilayon man nga gindala sa os...

Patay ang 25 anyos nga lalaki matapos gintiro sa parking area sang motorsiklo sa gwa sang isa ka ilimnan 18th Street, Barangay 7, siudad sang Bacolod, Domingo sang kaagahon.Ang napatay ginkilala kay Juan Marco Garino sang Brgy. Caliban, banwa sang Murcia.Suno kay Police Capt. Glenn Montaño, hepe sang Police Station 2, masakay na kuntani sa motorsiklo ang suspek upod ang iya nobya sang gina-alegar ginlagas sila ni Garino.Antes sini may natabo nga komosyon sa sulod sang ilimnan suno sa pulis gani naglikaw na ang suspek. Matapos nga ginsumbag sang biktima, ginkuha sang suspek ang iya armas sa utility box  ukon u-box sang iya motorsiklo kag gintiro si Garino.Ginhingagaw pa dala si Garino sa ospital apang gindeklarar nga dead on arrival.May igo siya sang bala sa l...

Ini ang ika duha na nga semana sa pagsaka sang bili sang gasolina kag krudo. Base sa announcement sang petroleum companies, piso kag kwarenta sentimos ang isaka sa bili sang kada litro sang gasolina. Piso kag stentay singko sentimos naman sa kada litro sang diesel kag piso kag singko sentimos sa kada litro naman sang kerosene.Ang tension sa middle east ang isa sa mga ginatudlo nga rason sa pagsaka sang bili sang produkto petrolyo.

Gin-aresto sa iya balay sa Barangay Taclobo sa Dumaguete City sang kahapon si anay Negros Oriental Governor Pryde Henry Teves bangud sa kaso nga paglapas sa Terrorism Financing Prevention and Supression Law .Ang arrest warrant ang gin-issue sang Regional Trial Court Branch 74 sang Cebu City ni Judge Marlon Moneva. Suno kay Police Major Nazarino Emia, hepe sang CIDG Negros Oriental, gintugutan sang korte nga makapiyansa sang P600,000 si Teves para sa 3 counts sang iya kaso.Nagpiyansa siya sa RTC Branch 40 sa idalom ni Executive Judge Gerardo Paguio, Jr.Dugang pa sang CIDG nga si Teves ang nagpadulong sa ila talatapan sang mahibaluan nga gina pangita siya sang mga pulis kay may warrant of arrest siya.Si Pryde Henry ang utod ni anay Negros Oriental 3rd District Repre...

Mga las kwatro sang hapon sang gin-report nga napatay bangud sang pagkalumos ang isa ka 14 anyos nga solterito sa isa ka dam sa Barangay Balayong, Pamplona, Negros Oriental.Suno sa PNP, upod sang biktima ang iya nga mga abyan nga naga swimming sa dam sang hinali na lang ini siya nga gin anod sang maksuog nga daludo sang tubig kag wala ini siya maka hingagaw halin sa tubig.Nakuha sang katapo sang DRRMO sang Pamplona ang bangkay sang biktima mga las singko sang hapon.

19 anyos nga motorcycle rider patay matapos mabungguan sang truck sa Tanjay City, Negros Oriental.Mga motorista mga lima ka oras nga na stranded sa dalan.Makita pa sa sini nga CCTV video ang pagkabunggo sang isa ka 10 wheeler sa 19 anyos nga lalaki nga naga dala sang motorsiklo sa may highway sang Barangay Santa Cruz Viejo, Tanjay City sa Negros Oriental.Base sa CCTV video naglapad sa pihak nga lane ang motorsiklo kay may nagpondo nga bus gani nadalasa sang truck ang rider.Sa report sang PNP, nag overtake ang motor sa nagpondo nga bus kay may nagpanaog nga pasahero.  May duha lang ka lane sa dalan gani pag overtake sang motor natiempuhan man nga naglabay ang truck. Patay na sang mag abot sa ospital ang motorcycle rider.Gin custody sang Tanjay PNP ang driver sang t...

Ginkawatan na, ginkastigo pa sang tatlo ka persona ang lending collector nga si Gerald Estroche sa Purok Talong, Brgy. Malingin sa Bago City sang Martes. Sa report sang Bago PNP, nagasakay ang biktima sa iya nga motorsiklo ang hinali na lang ginlampusan sang kawayan.Sang natumba ang biktima ginkastigo siya sang mga suspek kag ginkuha ang iya cellphone kag P4,000 nga cash.Gilayon man nga nadakpan sang Bago PNP ang mga suspek nga sanday Joshua Getino, Mardin Sahol, kag Neil Labrilla.Depende na sa biktima kun magapasaka siya sang kaso batuk sa mga suspek.

Pilason ang driver sang ambulansya sang Isabela District Hospital nga si Rammy Plingon kag ang kaupod niya nga si Henry Gentugao  matapos nabunggo sila sa isa ka pison sa Sitio Litud, Brgy. Bato sa banwa sang Hinigaran sang kahapon.Nag-angkon sang pilas si Plingon sa kamot samtang naipit naman ang kamot kag tiil ni Gentugao.Sa report sang PNP, bangud madanlog ang dalan nag-awas ang ambulansya sa ginakay-o nga karsada kag nagrekta bunggo sa nagaparking nga pison. Luwas na sa katalagman ang duha.

Ang southwest monsoon ukon ang hangin habagat ang sa karon naga apekto sa western portion sang Visayas nga naga lakip sang Negros Occidental.Ini ang naga dala sang magal-umon nga kalangitan nga may upod nga lapta-lapta nga pag ulan kag pagpanaguob.Suno sa PAGASA wala man sila sang may na monitor nga kun ano man nga weather disturbance sa sulod kag sa gwa sang Philippine Area of Responsibility pero balantayan ang posible nga pagbaha ukon ang landslide kun mag sige-sige bubo ang ulan.

Patay ang 39-anyos ang motorcycle rider nga si Cleoford Cabaluna matapos mabunggo ang iya nga motor sa motorsiklo ni Jose Lumanog sa Barangay San Isidro, banwa sang Calatrava, Martes sang gab-i.Base sa report sang Calatrava PNP, naga dalagan ang motorsiklo ni Cabaluna sa secondary road sang Barangay San Isidro.Pagwa niya sa national highway, hinali na lamang niya nabungguan ang motorsiklo nga ginamaneho ni Lumanog.Nagtabog sila nga duha sa sementado nga dalan.Nag angkon sila nga duha sang mga bali sa lawas kag gindala sa ospital para mabulong.Sang pagka gab-i,napatay si Lumanog. Padayon naman nga gina bulong si Cabaluna.