Mabatian sa video ang pagsabtanay sang isa ka katapo sang Bacolod City Legal Office Enforcement Team kag sang isa ka manugbaligya sang isda nga PWD.
Makita pa sa video ang pag nilapta sang isda nga ginabaligya sang PWD bangud suno sa iya ginbutong ini sang amo nga empleyado.
Nakuha ang video sa Amelia Street sa Libertad Market sang Miyerkules nga adlaw.
Gilayon man nga ginpatawag sang siudad ang natungdan nga empleyado, kag ang kabug-osan sang Enforcement Team agud ipahanumdom sa ila ang kinahanglan i-patuman nila ang maximum tolerance.
Ginsiling ni Levy Pangue, pamuno sang Enforcement Team, sa ila imbestigasyon, makapila na ka beses nga ginasaway ang amo mga PWD nga indi magbutang sang lamesa sa dalan, apang wala ini nagahalin.
Dugang niya, sang tinalikdan pa nga tuig nagakadakpan ang amo nga persona bangud sa pag obstruct sa dalan kag ang pagbilin sang iya mga basura sa amo nga lugar.
Apisar sini, ginapangabay man sang CLO ang mga empleyado nga indi magpadala sa emosyon sa tion sang mga operasyon.
“Galing kay damo mana gani sang una, damo mana sa ginatudlo kag ginarason kay gusto gid na niya ya magpasaway da sa libertad. Kay ako katatlo, kaapat ko na da sa ginsaway da, te galing ginahatagan lang sa distansya bala kun kaisa. Te daw sobra naman guro nga ang iya bala na baligya ara na sa tunga dalan, te daw indi nagid amo bala”, suno kay Pangue.
[sibwp_form id=1]