Romeo Subaldo

Pilason ang backhoe operator matapos nga mahulog ini sa pika-pika sa gina-ubra nga road widening project sa Barangay Pandanon banwa sang Don Salvador Benedicto sang Martes sang hapon.Ang backhoe operator ginkilala kay Reymund Arante nga nagatrabaho sa Wilkinson Construction Company.Suno kay Mayor Marxlen Dela Cruz, hinali na lang nga natiphag ang retaining wall ukon ang pika-pika sa Anso-an Bridge gani nahulog ang backhoe.Mga 15 tubtob 20 metros ang kataason sang iya nahulogan.Nag-agom sang pilas sa kamot si Arante apang yara na ini sa maayo kahimtangan.

Naga hazard ang isa ka awto punibre sa higad sang karsada sa Hinigaran-Isabela Road sa Brgy. Nanunga sa banwa sang Hinigaran sang kagab-i sang mag rekta diri ang isa ka motorsiklo.Naga hulat nga kargahan sang lungon ang salakyan sang mabunggo diri ang motor nga gina dala ni Hermilo Pajora nga amo ang napatay samtang pilason naman ang iya nga angkas nga isa ka 17-anyos.Sa imbestigasyon sang Hinigaran PNP, padulong kuntani ang mga biktima sa proper sang Hinigaran nga gikan sa Brgy. Narauis.Apang hinali nalang sila nga nakabunggo sa naga-park nga awto-punebre nga ginamaneho ni Reynaldo Pilliones.Gilayon naman nga nagresponde ang Hinigaran LDRRMO kag gindala ang mga biktima sa Hinigaran Medical Clinic apang bangud sa kabaskog sang impact sang pagbungguanay, gindeklarar nga dead...

Patay ang driver sang motor kag ang iya nga angkas matapos nga mabunggo sila sa isa pa gid ka motor sa Crossing Ba-o, Barangay Camba-og, banwa sang Hinigaran sang Sabado.Ang napatay nga driver ginkilala kay Julius Cañete kag ang iya nga angkas naman si Robert Namo, lunsay mga construction worker kag residente sang Hinigaran. Pilason ang isa pa gid ka angkas nga si Jones Moreño.Ginamaneho naman ni John Michael Mendoza ang isa ka motor kag may angkas man siya.Sa report sang Hinigaran PNP, gikan sa Barangay Camba-og sanday Cañete kag padulong kuntani sa banwa sang Pontevedra, samtang Sanday Mendoza padulong naman sa norte gikan sa sur nga direksyon.Gilayon nga nagliko si Mendoza, amo kun ngaa nabungguan sila ni Cañete nga nagresulta sa pagbungguanay sang duha ka motorsiklo. Gi...

Arestado ang mag-lolo matapos makuhaan sang P1.3M nga balor sang iligal nga droga, pasado las 12 sang kaagahon sang Domingo sa Purok Lubi, Brgy. 3 siudad sang Bacolod sa ginpatigayon nga buy-bust operation sang City Drug Enforcement Unit kag Police Station 2.Ang naaresto ginkilala nga sanday Belmer Francia 21 anyos kag Wilfrando Francia 61 anyos lunsay residente sang amo man nga lugar.Suno kay CDEU Head, Police Captain Joven Mogato, ang subject sa operasyon amu si Belmer nga ginakabig sang PNP bilang high value individual. Samtang ang iya naman nga lolo ang ginakabig sang pulis nga street level individual.Naga bug-at sang 205 grams kag may standard drug price nga P1,394,000.00 ang nakuha sa ila nga suspected shabu. Detained sila sa custodial facility sang Police Station 2.

Patay ang Barangay Kagawad nga si Joemarie Maniego, 60-anyos matapos nga masagaid sang truck sa Brgy. Banago siudad sang Bacolod, Huwebes sang aga.Ang driver sang truck ginkilala sa kay Rodrigo Recader sang Victorias. Suno sa kay Police Major Ramel Sarona ang hepe sang Traffic Management Unit, gikan sa norte nga direksyon ang truck kag ini ang padulong sa sur nga direksyon, si Maniego naman nga sakay sa motorsiklo ang gikan sa pihak dalan kag gina-alegar nag overtake sa truck.Dugang pa ni Sarona, may karga nga sako nga may unod nga mga butane ang biktima kag ini ang nasangit sa truck kabangdanan nga nadulaan sang kontrol ang kagawad sa iya motor kag nalampos ang iya nga ulo sa sementado nga dalan. Dead on the spot ang kagawad bangud sang seryoso nga pilas nga naagum sini sa ulo kag...

Barangay tanod patay matapos gintiro sang iya man lang nga abyan bangud sang illegal tapping sang kuryente.Patay si Ramelo Oliveros, isa ka tanod nga na assign sa Buena Park Subdivision matapos gin-tiro sang iya kaingod balay kag abyan sa Purok Cabugwason, Barangay Estefania pasado las 8 kaina sang aga.Ang suspek naman ang ginkilala kay Dennis Galo alias Dondon kag ginaalegar nga na preso na siya sadto. Suno sa pamilya sang biktima, nag-away ang duha bangud gingabot ni Ramelo ang kable sang kuryente nga gina gamit sa pag-tap ni Don-don sa ila poste. Nagsinabtanay ang duha.Suno naman sa hinablos sang biktima, iya nakita nga ginlampusan una ni Dondon si Ramelo sang sulpak sa tangkugo kag sang natumba ini, iya gin-tiro ang biktima. Ginapangita sang kapulisan si Dondon nga nagpalag...

Good news, mangin very long ang ini nga weekend sa Bacolod.Sa Lunes, regular holiday sa bilog nga pungsod bangud Eid'l Adha ukon ang Feast of Sacrifice, isa sa duha ka mga pinaka dako nga feast sa Islam. Gani gindeklarar na ini ni Presidente Ferdinand Marcos, Jr. damlag pa nga regular holiday.Kag para naman sa mga Bacolod residents, extended ang bakasyon kay man ang June 18 ang special non-working holiday bangud ini ang ika 86 nga anibersaryo sang Charter Day sang Bacolod. Sa sini nga adlaw gina dumdum ang pagpirma kag pag approve sang Commonwealth act no. 326 nga naga tukod sang siudad sang Bacolod ni anay Presidente Manuel Quezon.May programa nga patigayunon sa Bacolod sa amo nga adlaw kabahin na diri ang pagkilala sa mga Banwahanon Awardees kag I'll be the Change Award. Sa...

Ang mahinay nga habagat ang naga apekto sa western section sang mindanao gani may lapta-lapta nga pag ulan sa Mindanao kag sa Palawan.Samtang ang iban naman nga bahin sang Visayas pati na ang isla sang negros ang maka eksperyesya sang magal-umon nga kalangitan nga may dala nga lapta-lapta nga pag ulan kag pagpanaguob.Parehos na lang sa pagbubo sang ulan sa pila ka bahin sang negros kaina sang udto.Maka paabot kita sa gihapon sang mainit nga panahon sini nga weekend kag ang pagbubo sang ulan ang yara sa hapon ukon sa gab-i.

https://youtu.be/oVcY6rAm53EAng Negros Island Region ang isa sa mga gina lantaw nga mangin sentro sang economic growth sa Visayas suno sa kay Presidente Ferdinand Marcos, Jr. Subong nga hapon opsiyal nga nga nangin isa ka layi ang Negros Island Region matapos niya ini nga pirmahan.Para sa presidente praktikal lang gid nga ipaidalom sa isa ka rehiyon ang Negros Occidental, Negros Oriental kag Siquijor.Sa isa lang ka isla naga puyo ang mga pumuluyo pero napaidalom sila separado nga mga administrative regions.Dinekada na ang mga taga Occidental nga kinahanglan pa magtabok sa Iloilo kun may i-proseso sa mga regional offices kag ang mga taga Oriental kag Siquijor naman naga tabok pa Cebu.Antes sang pagpirma sang NIR Act, ang Negros Occidental ang kabahin sang Region 6 kag...

Halos nagserbe na nga paliliguan sang kabataan ang naga-leak nga linya sang Baciwa-Primewater nga yara sa kalog sa Barangay Villamonte tuga sang kakulang sang water supply sang nagligad nga bulan.Pero makaligad nga nangin operational na ang water supply project sa Bocal-bocal spring sa Barangay Alangilan tigayon nga nasolusyunan ang problema sa 11 ka mga areas nga halos wala na sang water supply nga nagalab-ot sa mga pamalay. Nalakip na diri ang Barangay Villamonte.Ginsiling ni Mayor Albee Benitez nga amat amat na nga na-restore sang water utility ang kinahanglan nga water supply sa siudad halin sa 70 MLD ukon million liters a day nga nagsarurot sa 67 MLD sang tig-ilinit.Ginapaabot sang alkalde nga malab-ot sang Baciwa-Primewater ang target nga 80MLD sa madasun nga semana.G...