Romeo Subaldo

Ginkumpirma sang Department of Justice nga gintugutan na sang Timor-Leste government ang extradition request sang Pilipinas angut sa kaso ni  anay congressman Arnolfo Teves, Jr.Buot silingon pabalikon siya sa Pilipinas para atubangon ang iya nga kaso may kaangtanan sa kamatayon ni anay Governor Roel Degamo.Suno kay DOJ Asec. Mico Clavano ang impormasyon ang gikan mismo sa Attorney-General sang Timor Leste.Damlag pa nagpagwa sang mando ang Manila Regional Trial Court nga gina dumilian ang Department of Justice kag ang kampo ni former Negros Oriental Representative Arnolfo Teves Jr. sa pagpaguwa sang  mga pahayag may angot sa Degamo case.Natalana na nga magpresenta sang mga ebidensya sa korte.

Natunaw na ang low pressure area kag ang easterlies ukon ang mainit nga hangin gikan sa Pacific Ocean naga apekto sa Pilipinas.Ang intertropical convergence zone ang nag hinay naman gani wala na ini naga dala sang ulan.Suno sa PAGASA maka paabot ang mainit nga panahon sa Visayas nga may malaka-laka nga pag-ulan kun hapon kag kun gab-i dala sang localized thunderstorm.

Masobra sa 81 milyones pesos tanan ang financial aid nga ipanagtag ni Presidente Ferdinand Marcos Jr. sa 8,315 ka mga mangunguma kag mga mangingisda nga tuman nga na apektohan sang el nino phenomenon sa probinsya pinaagi sa Presidential Assistance to Farmers, Fisherfolks and families ukon PAFF.Kada isa sa maga baton sang tig P10,000. Suno sa kay PCO ASec for television Dale de Vera, ang ini nga mga benepisyaryo ang pre-identified na nga daan.Ang Department of Agriculture ang nag verify kun bala ini sila ang severely affected ukon lubos nga na apektohan sang El Nino.Sa ceremonial distribution sa bwas sa UNO-R, mga alkalde ang maga baton sang kantidad kag amo ang maga distribute sini. Gintagaan sang malakanyang ang mga lgu sang 30 diyas para ma liquidate gilayon ang ...

Pilason ang lima ka mga persona matapos magbungguanay ang truck kag tricycle nga nagresulta sa pagkahulog sang truck sa pil-as sa Sitio Buta, Brgy. Caliling banwa sang Cauayan, Martes sang hapon.Ang driver sang tricycle ginkilala sa kay Allen Pareñas, may duha siya ka mga pasahero samtang ang driver sang truck ginkilala sa kay Francis Oyus nga may upod nga helper.Suno sa kay Police Lieutenant Colonel Gary Allan Resuma ang hepe sang Cauayan PNP, padulong ang truck nga may karga nga bato sa Bacolod samtang ang tricycle ara sa pihak nga lane.Nadulaan sang preno ang truck gani nabunggo sa tricycle nga naga sugata kag nag rekta sa banglid.Maswerte naman nga nasangit sa road signage ang tricycle.  Minor injuries lang ang na agom sang lima ka mga nasamaran.

Wala nakaluwas ang biktima nga nag paligo sa overflow.Nalumos si Jose Pepito Burce samtang nagapaligo sa overflow sa suba nga sakop sang Hacienda Bernardita, Brgy. Caduhaan, Cadiz City pasado las dose sang udto kadungan sang kapiestahan ni San Juan Bautista kahapon. Upod man sang biktima nga nagapaligo sa overflow ang iya pamilya.Sa report sang PNP, naglukso ang biktima sa overflow kag wala na nakabutwa tubtob nakita na lamang ang lawas sini matapos ang isa ka oras. Gina alegar nga nakainom ang biktima.Gindala pa siya sa hospital apang gindeklarar na nga dead on arrival.

Nakilala na sang PNP na ang suspek nga nagtiro kag naka patay kay Juan Marco Garino sa 18th-Lacson St sa Bacolod sang Domingo.Suno sa kay Police Captain Glenn Montaño ang Commander sang Bacolod City Police Station 2, may record na sa PNP ang suspek bangud makaduha na ini ka beses nga madakpan sa iya kaso angut sa iliga nga droga apang nahilway siya.Sang Domingo nag-initay ang suspek kag ang kampo sang biktima sa isa ka ilimnan.Naglikaw na sa gamo ang suspek kag mapauli na sila kun tani sang iya nga nobya sang ginlagas pa sila ni Garino samtang naga hana masakay sa motor.Ginsumbag siya sang biktima gani nagkuha ang suspek sang pusil sa Ubox sang iya motor kag gintiro ini nga ginhalinan sang iya kamatayon.Gina siling nga babaye ang gina halinan sang ila sinuyaay sa ili...

Gin aresto sang kapulisan si Danica Garado, 20-anyos matapos natukiban nga ang dala niya nga pandesal ang may unod nga shabu sang nagbisita sa custodial facility sang Kabankalan PNP sang Sabado.Suno kay Police Captain Joelan Vinson, Deputy Chief sang Kabankalan PNP, nag alegar ang suspek nga gin sugo lamang siya sang iya nobyo nga magdala sang ilegal nga droga rason nga iya ini gin sulod sa tinapay.Dugang pa sang pulis,kabahin na sa protocol ang pag-usisa sa mga gina dala nga pagkaon ukon kagamitan sang mga naga bisita sa detention cell.Ang nobyo ni Garado ang na-priso sa Kabankalan PNP bangod sa kaso angut sa iligal nga droga.Ginpa drug test si Garado kag pasakaan sang kaso nga paghupot sang ilegal nga droga si Garado. Detained naman siya karon sa custodial facility...

Patay ang apat ka mga persona nga sakay sa AUV matapos makabunggo sa isa ka mixer truck sa Diversion Road, Brgy. Batinguel Dumaguete City Negros Oriental sang Sabado.Ang driver sang mixer truck naga-edad sang 59-anyos kag residente sang Brgy. Tinago siudad sang Dumaguete samtang ang driver sang AUV ang naga-edad sang 45-anyos.Sakay sa Avanza ang anum ka mga pasahero nag naga-edad sang 59-anyos, 48-anyos, 19-anyos, kag duha ka mga menor de edad kag lunsay mga residente sang Mandaluyong City.Sa imbestigasyon sang PNP pasugata ang direksyun sang duha ka salakyan kag pag abot sa naga kurbada nga dalan naglapaw ang Avanza sa lane sang truck nga nagresulta sang pagbungguanay.Nakaagum sang malubha nga mga pilas ang apat ka mga sakay sang salakyan kag gilayon man nga gindala sa os...

Patay ang 25 anyos nga lalaki matapos gintiro sa parking area sang motorsiklo sa gwa sang isa ka ilimnan 18th Street, Barangay 7, siudad sang Bacolod, Domingo sang kaagahon.Ang napatay ginkilala kay Juan Marco Garino sang Brgy. Caliban, banwa sang Murcia.Suno kay Police Capt. Glenn Montaño, hepe sang Police Station 2, masakay na kuntani sa motorsiklo ang suspek upod ang iya nobya sang gina-alegar ginlagas sila ni Garino.Antes sini may natabo nga komosyon sa sulod sang ilimnan suno sa pulis gani naglikaw na ang suspek. Matapos nga ginsumbag sang biktima, ginkuha sang suspek ang iya armas sa utility box  ukon u-box sang iya motorsiklo kag gintiro si Garino.Ginhingagaw pa dala si Garino sa ospital apang gindeklarar nga dead on arrival.May igo siya sang bala sa l...

Ini ang ika duha na nga semana sa pagsaka sang bili sang gasolina kag krudo. Base sa announcement sang petroleum companies, piso kag kwarenta sentimos ang isaka sa bili sang kada litro sang gasolina. Piso kag stentay singko sentimos naman sa kada litro sang diesel kag piso kag singko sentimos sa kada litro naman sang kerosene.Ang tension sa middle east ang isa sa mga ginatudlo nga rason sa pagsaka sang bili sang produkto petrolyo.