Pilason ang pito ka mga elementary students sang Sum-ag Elementary School kag duha ka mga iloy matapos nga mabungguan sang tricycle sa National Road sakop sang Barangay Sum-ag sa Bacolod mga las kwatro sang hapon sang Martes.
Ang isa ka iloy nagsang-at pa sa atubang sang tricycle.
Suno kay Bacolod City Police Office Traffic Management Unit Chief, Police Major Ramel Sarona, nagatabok sa pedestrian lane gikan sa eskwelahan padulong simbahan ang mga biktina sang nabungguan sila sang tricycle nga gina dala ni Nelson Jalandoni, 76-anyos.
Gilayon naman nga gindala sa ospital ang mga biktima pati na ang tricycle driver.