Shadow

Dugang nga kaso ipasaka batuk sa pulis nga naniro sang mag-amay sang Christmas

Dugang nga kaso ipasaka batuk sa pulis nga naniro sang mag-amay sang Christmas.

Nagapabilin sa gihapon sa ospital si Jomarie Fuentes.

Pero kun makagwa na siya, papirmahon siya sang affidavit. Siya ang amay ni Joman. Sila ang mag-amay nga gintiro ni Police Corporal Armen Alanza sa Pulupandan sang adlaw sang Paskwa.

Si Joman ang napatay sa amo nga insidente.

Suno kay Negros Occidental Police Provincial Office Spokesperson Capt. Judesses Catalogo, padayon pa sa karon nga gina bulong sa ospital si Jomarie bangud sang pilas sa tiyan tuga sa pagtiro ni Police Corporal Alanza.

Dugang pa ni Catalogo, una na nga gin-file ang kaso nga homicide batuk kay Alanza angut naman sa kamatayon sang bata ni Fuentes. Magluwas sa kaso kriminal, si Alanza ang naga pangatubang man sang kaso administratibo bangud sa amo nga insidente.

Secured By miniOrangeSecured By miniOrange