Shadow

Nobyo sang babaye nga nasapwan patay sa Talisay City ginausisa sang PNP


Ginausisa sa karon sang Talisay PNP, ang nobyo ni Carl Kimberlyn Degabi angut sa iya kamatayon. Suno kay Police Major Rhazl Jim Jocson, Deputy Chief of Police sang Talisay PNP, naga buligay sila sang Bacolod City Police Office agud makakuha sang mga impormasyon kun sa diin ulihi nakita si Kimberlyn antes ini nasapwan nga patay sa higad sang dalan sa Barangay Matab-ang sa Talisay City.

Sa panaysayon sang nobyo ni Kimberlyn, nag gikan sila sa isa ka ilimnan kaupod ang mga abyan. Una nga nag-angkas ang biktima sa iya nga motor pero nagsaylo ini sang salakyan sa pagpapauli.

Nakakuha man ng PNP sang CCTV footage nga ang duha ang naga angkasanay sa motor.

Dugang pa ni Jocson, naga kooperar man sa ila ang nobyo sang biktima, kag sa kada pag patawag sa iya nagakadto man siya sa Talisay PNP.

Domingo sang aga nasapwan ang bangkay sang biktima nga wala na sang pang idalom nga panapton.

Secured By miniOrangeSecured By miniOrange