Romeo Subaldo

Duda ang Moises Padilla PNP sa alegasyon sang tiyo sang college student nga napatay sa aksidente.  Suno sa PNP nag-ako ang tiyo nga naka inum siya sang matabo ang insidente.Sa pag-usisa sang Moises Padilla PNP sa tiyo nga naga dala sang motor sang matabo ang gina-alegar pag hit-and-run sa 21 anyos nga si Deserie Tadena, gin ako sang tiyo nga naka inum siya.  Suno kay Major Romulo Gepilango, hepe sang Moises Padilla PNP, may nakita man ang ila nga imbestigador nga mga bagras sa kamot sang tiyo.Sa panaysayon sang tiyo, nanaog siya sa motor para mangihi sang may naga motor nga persona nga nagsipa sa iya nga motor kun diin naga pungko si Tadena.Natumba kuno ang hinablos niya kag nalampus ang ulo sa dalan.Pero sa mga nakuha nila nga mga impormasyon duda sila ...

Patay ang 21 anyos nga isa ka education student sang Central Philippine State University-Magallon Campus matapos mabungguan sang isa ka motorsiklo sa Barangay Magallon Cadre, banwa sang Moises Padilla, kahapon sang hapon.  Sa report sang PNP ginsugat ang biktima nga si Deserie Tadena sang iya tiyo sa eskwelahan. Nagpondo sila makadali kag nanaog ang tiyo sa motor para magpangihi samtang nabilin ang biktima sa motor.Natalupangdan na lang sang tiyo nga nagtabog na ang iya nga hinablos kay nabungguan sang motor.Gintinguhaan pa nga malagas sang tiyo ang suspek apang madasig ini nga nagpalagyo.Gindala sa hospital ang biktima pero gindeklarar nga dead on arrival sa ospital.Nagapanawagan sa karon ang pamilya sa suspek nga magsungka kag atubangon ang iya nga kaso.

Gina-alegar isa ka notorious nga kawatan ang lalaki nga nakuhaan sang live video nga nagapangawat sang cellphone sa isa ka parlor sa Bago City sang Domingo.Naga paninlo sang parlor kag naga Facebook live ang empleyado sang ginsulod sang kawatan ang lugar kag ginkuha ang cellphone.Suno sa Bago PNP, ila na nakilala ang lalaki sa video kag isa siya ka notorious nga kawatan nga taga Bacolod.Ginahanda na ang kaso nga ipasaka batuk sa iya.

Tatlo ka mga weather system ang naga apekto karon sa Pilipinas.Una ang Northwest Monsoon ukon hangin Amihan nga naga apekto sa Luzon, ang Easterlies naman ukon ang mainit nga hangin gikan sa Pacific Ocean ang naga apekto man sa pungsod kag sa ila nga pagtabuay sang amihan naga tuga ini sang Shearline nga amo ang naga dala sang ulan sa malapad nga area sa Visayas.  Gani posible ang lapta-lapta nga pag-ulan sa mga isla sa Visayas nga naga lakip sang Negros.Wala naman sang may na-monitor nga low pressure area ukon bagyo sa sulod kag sa gwa sang Philippine Area of Responsibility.

Patay ang motorycle rider matapos makabunggo sa truck sa highway sa Crossing Agueda sa banwa sang La Castellana kaina sang kaagahon.Ang biktima ginkilala sa kay alyas Jeric, 24-anyos. Suno sa kay Police Major Rhojn Darrell Nigos ang hepe sang La Castellana PNP, gikan sa Isabela ang biktima padulong sa La Castellana.Dugang pa ni Nigos, naglikaw ang biktima sa naga tangkas nga tubo sa tunga sang dalan gani naglapaw siya sa pihak nga lane kag nabungguan ang naga Sugata nga truck.Ginhingagaw pa dala sa ospital ang biktima apang gindeklarar nga dead on arrival kag gilayon man nga nagsungka ang driver sang truck nga si alias Henry.Suno sa PNP madulom ang amo nga bahin sang dalan kay wala sang suga.

Lalaki nga na-missing sa baybayon sa BREDCO Port ang nakit-an na matapos ang siyam ka oras.Ginkumpirmar sang pamilya ni Troy Beloya nga iya nga bangkay ang nasapwan sa Baybay nga sakop sang Bredco Port pasado las-11 sang kagab-i.Una na nga gin-report missing si Beloya matapos maglumpat gikan sa baroto samtang nagapanagat sa reclamation area pasado las 2 sang hapon kahapon.Base sa panaysayon sang pamilya sang biktima, una nga naglumpat gikan sa baruto ang magulang nga si Jayvee para batakon ang pukot.Naglumpat man si Troy bangud gina-alegar nagtakilid ang baruto bangod tuman kabaskog nga balud.Nakita sang mga abyan sang biktima nga may naga utaw-utaw nga bangkay sa baybay kag sang ila ginpalapitan ila na kumpirma nga bangkay ini ni Beloya.

Posible nga na-tripan lang sa dalan ukon road rage ang natabo amo kun ngaa gintiro ang katapo sang 79th Infantry Battalion sa Brgy. Palampas, San Carlos City sang Lunes.Ang biktima amo si Staff Sergeant Alfort Tito, samtang ang duha ka suspetsado amo sanday Jobert Gimarangan kag Alfie Raganas.Ang mga suspek nakuhaan pa sang masobra sa isa ka milyon ka pesos nga balor sang suspected shabu.Suno kay Civil Military Operations Officer 79th IB, Lt. Dan Carlo Samoza, base sa nakuha nila nga impormasyon, nag-overtake ang biktima sakay sa iya motor sa mga suspek nga naka motor man kag posible gin kaakig ini sang mga suspetsado.Gintuparan nila ang motorsiklo sang biktima kag gintiro siya.Sa pihak sang madamo nga igo sang bala sa lawas sang biktima, yara na siya karon sa estable...

Negros Power nag anunsyo nga magasaka ang sukot sa kuryente bangud sa nagmahal man nga transmission charges.May dugang nga 45 sentimos ang per kilowatt hour sang kuryente sang Negros Power.Buot silingon, mangin P12.1477/kWh ang bayaran sang residential consumers subong nga Pebrero bangud sang pagsaka sang transmission charges nga resulta sang dugang nga Ancillary Service Charges.Ini ang gin anunsyo sang distribution utility.Nagsaka pa gid ang Universal Charges nga gin aprubahan man sang Energy Regulatory Commission sa dugang nga Missionary Electrification kag Renewable Energy Development Cash Incentive .Magapatuman man ang Negros Power sang Real Property Tax kag Business Tax Recovery bilang kabahin sang pagsunod sa mga regulasyon.Paathag sang manageme...

Pila ka minutos matapos nga matiruhan ang katapo sang Philippine Army nga si Sgt. Alfort Tito, gilayon man nga nadakpan sang kapulisan ang nagtiro sa iya.Si Tito ang mabakal lang kuntani sang iya maintenance medicine sa San Carlos City proper sang matiruhan sa Sitio Takas, Brgy. Palampas, San Carlos City, kahapon sang udto.Sa hot pursuit operation nadakpan ang duha ka mga suspetsado nga ginkilala nga sanday Jobert Gimarangan kag Alfie Raganas pareho nga residente sang banwa sang Calatrava.Suno kay Negros Occidental Police Provincial Director Police Col Rainerio de Chavez, yara na sa estable nga kondisyon ang soldado. Ginahibalo pa nila kun ano gid ang motibo sa pagpaniro. Na-recover sa mga suspek ang 162.67 grams sang suspected shabu nga nagablor sang P...

Ang duha ka mga sunod-sunod nga mga operations sang Bacolod City Police Office pinaagi sa City Drug Enforcement Unit ang nagresulta sa pagka aresto sang apat tanan ka mga persona kag pag kakumpiskar sang 370 grams sang suspected shabu nga naga balor tanan sang Php 2,516,000.00.Sa operation sang Biyernes sa Purok Lubi, Barangay 3, Bacolod City na aresto sanday alias "Jason", alias "Charles" kag alias "Johnrey".Nakuha sa ila ang 150 grams sang suspected shabu nga naga balor sang Php 1,020,000.00.Sa ika duha nga operation sang Sabado sang kaagahon sa Purok Gonzaga Extension, Barangay Taculing, Bacolod City, nadakpan naman si Alias Kenneth nga may 220 grams sang suspected shabu, nga naga balor sang Php 1,496,000.00.Pasakaan sila sang kaso nga paghupot kag pagbaligya sang iligal...