Romeo Subaldo

Patay ang misis nga naga angkas sa motor matapos mahulog kag malapakan sang bus sang Martes sa national highway sang Barangay Sta. Cruz Viejo sa Tanjay City Negros Oriental.Sa report sang Tanjay PNP, ang mag asawa nga naga sakay sa motor ang naga edad 23 kag 24 ang gikan sa Poblacion, Bindoy, kaupod ang ila 4 ka tuig nga bata.Paglab-ot sa area, nadanlog ang motor gani naglabog ang tatlo.Suno sa mga saksi, pagkatumba sang misis natabuan man nga may naglabay nga bus gani nalapakan siya nga amo ang nangin rason sang iya kamatayon.Pilason naman ang mister kag ang bata nga gindala sa ospital.Temporaryo nga gin-detain ang driver sang bus.

Anay pulis nga ginpatay sa Bago City nag angkon sang napulo ka mga igo sang bala sa lawas.Personal nga dumot, negosyo ukon iligal nga droga - ini ang tatlo lamang sa madamo nga mga anggulo nga ginalantaw karon sang Bago City PNP sa kamatayon sang anay pulis nga si Reynaldo Bernil.Suno sa kay Police Lieutenant Colonel Jay Malong ang hepe sang Bago City PNP, may napulo tanan ka mga pilas tuga sang igo ang bala sa lawas sang biktima.Ila man sa karon nga ginapangita ang pusil sang biktima nga bitbit niya kag posible nga ginkuha sang mga suspek.Kahapon sang aga sang gintiro ang biktima matapos magdul-ong sa iya anak sa eskwelahan sa Purok Michelle, Brgy. Dulao sa Bago City.Ginpaulanan siya tiro sang lima ka mga suspek.Ang biktima ang ginatudlo man nga suspek sadto sa pag...

Naghinay na ang hangin nga Amihan ukon ang matugnaw nga hangin kag ang Easterlies naman ukon ang maininit nga hangin gikan sa Pacific Ocean ang naga apekto sa malapad nga porsyon sang Visayas.Suno sa PAGASA mangin mainit ang panahon sa Visayas lakip na sa Negros.Wala sang kun ano man nga weather disturbance ukon bagyo sa karon kag posible nga magapadayon ini tubtob sa una nga semana sang Marso.  Gina paabot nga sa tunga-tunga ukon katapusan sang Marso madula na ang Amihan kag mabulos naman ang hangin Habagat.

Patay ang anay pulis nga si Reynaldo Bernil matapos nga ginpaulanan tiro sang wala pa makilala nga mga persona sa taytay sakop sang Purok Michelle, Brgy. Dulao sa Bago City kaina sang aga. Si Bernil ang sa karon naga trabaho bilang head guard sang manokan sa Bago. Sa inisyal nga imbestigasyon sang Bago City PNP, bag-o lang gid nakatapos dul-ong sa eskwelahan sa iya nga bata ang biktima kag pagkalab-ot sa lugar sang insidente may lima ka persona nga nag balabag sa iya alagyan kag gin paulanan siya tiro nga nag resulta sa iya kamatayon.Nakuha sa lugar sang insidente ang 16 ka basiyo sang 5.56 mm, 9 ka basiyo 9mm, kag isa ka live ammunition sang 9mm.Sa subong ginahibalo pa sang kapulisan kun ano ang motibo sa pagpatay sa biktima. Si Bernil ang ginatudlo nga suspek sa pagpa...

Senior citizen patay samtang duha naman ang pilason sa sunog sa Hinigaran. Patay ang isa ka senior citizen nga lalaki sa sunog nga nagluntad sa Pantalan-daan, Barangay 1, banwa sang Hinigaran, Miyerkules sang kaagahon.Sa inisyal nga report sang Bureau of Fire Protection - Hinigaran, ang biktima ginkilala sa kay alyas Jose, 87 anyos.Nagtinghua pa kuntani ang mga kaingod nga salbaron ang senior citizen apang nagdako na ang kalayo kag wala na siya makuha gikan sa nasunog nga balay.Samtang nag-angkon naman sang mga paso sa lawas ang mag-iloy nga naga puyo man sa amo nga balay.Naglab-ot naman sa P90,000 ang balor sang kahalitan sang sunog sa duha ka mga puluy-an.

Wala pa man makilala ang persona sa likod sang pag indian target sa aspin nga si TikTok sa Haciendsa Puyas sa Barangay Blumentritt sa banwa sang Murcia may isa na naman ka ido nga biktima man sang kasubong nga krimen.May panibag-o nga kaso sang pag-indian target sa ido sa banwa sang Murcia sa gihapon.Ang insidente ang natabo naman sa Barangay Caliban base sa post sang animal advocate nga si Carla Zamora Dayon.Suno sa kay Zamora mga las siyete sang kagab-i sang nadsikubrehan ang natabo sa ido nga si Buldog. Subong nga adlaw gindala na sa vet si Buldog para mabulong.

https://youtu.be/CwhfaqK4fls?si=zQ_T4L54Q4HtwpPaNaglab-ot na sa 300,000 pesos ang reward money para sa pagtudlo sa persona nga nag indian target sa aspin nga si Tiktok.  Ang tag-iya sang ido nagsiling nga ika duha na ini nga kabuhi ni Tiktok matapos nga maipit man sadto sang salakyan.

Wala sang may nakit-an nga kontrabando sa ginpatigayon nga greyhound operation ukon surprise inspection sang Bureau of Jail Management and Penology kag Philippine Drug Enforcement Unit sa Metro Bacolod District Jail Male Dormitory sa Barangay Singcang-Airport sa Bacolod.Ginpatigayon ang greyhound operation kag drug testing sang tinalikdan nga Pebrero 17, 2025.Sa amo nga operation sang Lunes, gin isa-isa ang mga selda kag gin-usisa pero nangin negatibo.Ginpaidalom sa random drug testing ang 46 ka mga lalaki kag 10 ka mga babaye nga personnel sang BJMP, kag 140 ka mga persons deprived of liberty pero nangin negatibo ang nangin resulta.

Nagpadulong sa Moises Padilla PNP ang pamilya sang college student nga si Deserie Tadena para ipabalo nga indi na sila magpasaka sang kaso batuk sa tiyo sang ila nga anak.Ini ang ginkumpirma sang deputy chief sang Moises Padilla PNP nga si Police Lieutenant Arnolfo Robles.Dugang pa ni Robles ginsiling sang pamilya nga indi man hungod ang natabo.Damlag pa gin-alegar sang tiyo nga nanaog lang siya sa motor para magpangihi sang makita niya nga may nagsipa sa motor nga gina pungkuan sang iya hinablos gani natumba ini kag nalampos ang ulo sa dalan.Pero may pagduda ang PNP sa iya statement. Suno sa pulis, posible nga self-inflicted ang natabo nga pagkatumba sang motor.Nakit-an nga may mga bagras sa kamot ang tiyo kag nag-ako man ini nga naka inum sang matabo ang insidente....

Isa ka ido ang gin indian target sa banwa sang Murcia. P45,000 nga reward money ang gina tanyag sa makatudlo sa kun sin-o ang may kahimuan sa ido.Pasado las diyes na sang kagab-i pero gin-rescue sa gihapon sang grupo nga BACH PH Project ang ido nga si TikTok sa Hacienda Puyas, Barangay Blumentritt sa banwa sang Murcia.Gilayon nga gindala si TikTok sa veterinary clinic sa Bacolod para mabulong.Suno sa grupo nga mga duha na ka adlaw nga gina agwanta ni TikTok nga yara lang natuslok sa iya nga lawas ang lima tanan ka mga Indian target.Naga panawagan ang grupo sa publiko nga mabuligan sila pabulong kay Tiktok kag mahimo lang makig angut sa ila nga Facebook Page.  May donor nga nagtanyag ang P45,000 nga reward money sa makatudlo sa kun sin-o ang naghimo sini sa i...