Isa ka ido ang gin indian target sa banwa sang Murcia.
P45,000 nga reward money ang gina tanyag sa makatudlo sa kun sin-o ang may kahimuan sa ido.
Pasado las diyes na sang kagab-i pero gin-rescue sa gihapon sang grupo nga BACH PH Project ang ido nga si TikTok sa Hacienda Puyas, Barangay Blumentritt sa banwa sang Murcia.
Gilayon nga gindala si TikTok sa veterinary clinic sa Bacolod para mabulong.
Suno sa grupo nga mga duha na ka adlaw nga gina agwanta ni TikTok nga yara lang natuslok sa iya nga lawas ang lima tanan ka mga Indian target.
Naga panawagan ang grupo sa publiko nga mabuligan sila pabulong kay Tiktok kag mahimo lang makig angut sa ila nga Facebook Page.
May donor nga nagtanyag ang P45,000 nga reward money sa makatudlo sa kun sin-o ang naghimo sini sa iya para matagaan man siya sang hustisya.
Padayon sa karon ang pagbulong kay TikTok sa vet cinic.
Naga kinahanglan pa siya sang blood donation.
Sa idalom sang Animal Welfare Act of the Philippines ukon RA 8485, wala gina tugutan ang pag torture kag pagmaltrato sa kasapatan.
Ang mapamatud-an nga nagahimo sini ang sarang ma pinahan sang tatlo ka tuig nga pagkabilanggo kag sarang ma multahan sang P250,000.