Romeo Subaldo

[embedyt] https://www.youtube.com/watch?v=a270uJoslF0[/embedyt]14 ang napatay on the spot kag tatlo naman ang nasamara sa aksidente sa Mabinay sa Negros Oriental.Ini suno sa Negros Occidental Police Provincial Office. Sa report sang Mabinay PNP mga 1:45 sini nga hapon sang natabo ang aksidente sa National Highway sakop sang Barangay Bulwang.Suno sa PNP, ang truck halin sa La Libertad, Negros Oriental kag pakadto sa Mabinay. Pag-abot sa amo nga bahin sang highway, nadulaan sang kontrol ang drayber sa manubela kag nagrekta ini hulog sa banglid.Ginpang hingagaw dala sa Mabinay Community Hospital ang mga pilason para mabulong.Gina siling man sa report sang PNP nga ang mga biktima ang mga komprador sang kasapatan.

Arestado sa buy-bust operation sang Silay PNP sanday Romeo Dicto, 61 anyos, isa ka street sweeper sang siudad sang Silay kag si Romeo Ibañez, 26 anyos, gina kabig nga Street Level Individual sa Bonifacio Extension, Barangay 4 mga pasado las dos sang hapon.Nakuha sa amo nga operation ang napulo ka palstic sachet nga may unod nga gina patihan shabu nga naga balor sang P81,600 kag ang 2,800 pesos buybust money.Sa karon yara na sa kostodiya sang Silay PNP ang mga suspetsado kag pasakaan sang kaso nga pagbaligya kag paghupot sang iligal nga droga.

Ginpahayag ni Patrick Lacson, ang head sang Bacolod Traffic Authority Office, nga nagbalik na sa pagpanakop ang Task Force Colorum sa siudad sang Bacolod.Ang Task Force Colorum gina tapu-an sang volunteers nga nag-augment sa BTAO kag sila ang maga panakop sa mga naga biyahe sa gwa sang ila nga mga rota.Dugang pa ni Lacson, nasugudan na kahapon sang Task Force Colorum ang pagpanakop kag madamo sila sang nadakpan.Madamo man sang mga motorcycle rider ang nadakpan nga wala sang driver’s license kag OR/CR.

Nagpagwa na sang order ang Department of Education nga ginpirmahan ni Vice President kag DepEd Secretary Sara Duterte nga imbis Hunyo 15, Mayo 31, 2024 na ang mangin katapusan sang academic year.Ang school break naman magasugod sa June 1 tubtob July 26, 2024. Suno kay DepEd Usec. Michael Poa gina amat amat na nila balik ang daan nga school calendar.Kag gina paaboot nga sa school year 2026-2027, ang klase maga sugod sa katapusan sang June.Damlag pa may survey kag research nga ginpatigayon kun sa diin kalabanan sa mga ginikanan ang luyag nga mabalik sa daan nga schedule ang school calendar.

Naglambot sa 750,000 pesos ang balor sang kahalitan sang sunog sa Ditching Subdivision, Brgy. 5, Victorias City kahapon sang hapon.Suno kay FO1 Dave Kevin Duaban, Arson Investigator sang BFP Victorias, nag sugod ang kalayo sa puluy-an ni Rinaldo Dinigaya.Dugang pa ni Duaban, ang mga balay ang himo sa mga butang nga madasig masunog. Siyam tanan ka balayang totally destroyed samtang isa naman ang partially damaged.Nagagwa sa imbestigasyon sang BFP nga “electrical in nature” ang ginhalinan sang kalayo. Naglambot sa 2nd alarm ang sunog gani may mga bombero pa gikan sa kaiping nga mga banwa kag siudad nga nagbulig palong sang kalayo.Wala naman sang may nasamaran sa insidente.Suno sa barangay, 13 ka pamilya ukon 37 ka indibidwal ang apektado. Temporaryo sila nga nagtinir sa baran...

Patay na sang mag abot sa ospital ang drayber sang tricycle nga si Joel Co matapos nabungguan sang isa ka pick-up sa corner sang Hernaez kag Circumferential Road, Barangay Taculing sa Bacolod City pasado las 2 kaina sang kaagahon.Ginkilala naman ang driver sang pick-up nga si Oscar Corpuz.Suno kay Police Capt. Dax Santillan, hepe sang Police Station 6, ginbudlayan pa sila sa pagkilala sa driver sang tricycle kay wala siya sang ID.Suno sa pulis, base sa panaysayon sang mga saksi, naga dalagan ang tricycle sa Circumferential Road gikan sa Alijis padulong sa Bacolod City Government Center.Ang pick-up naman ang nagadalagan sa Hernaez Street padulong sa Barangay Mansilingan.Gindusdos sang pick-up ang tricycle mga 50 metros ang kalayuon gikan sa intersection padulong sa signa...

Na-recover sang 47th Infantry Battalion sang Philippine army kag 604th Mobile Company sang Regional Mobile Force Battalion 6 ang caliber .357 Magnum revolver, isa ka homemade 12-gauge shotgun, fragmentation grenade, improvised explosive devices, mga bala sang M16 assault rifle, medical supplies kag mga dokumento nga nakalubong sa duta sa Sitio Makilo, Barangay Camansi, Kabankalan City.Suno kay Lt Col. J-Jay Javines spokesperson sang 3ID sang Philippine Army, natigayon nga ma-recover ang mga ginlubong nga mga armas matapos makabaton sang tip gikan sa pumuluyo.Suno kay Javines, masami ini nga nagakatabo ilabi na sa mga lugar nga nagaserbe bilang mobility corridor sang rebelde nga grupo.Nagapati si Javines nga ginlubong sang mga rebelde ang ila mga armas sang na-corner sila sang m...

Maga hatag sang food kag financial assistance ang banwa sang Cauayan sa mangunguma nga ang pananum apektado sang El Nino Phenomenon.Suno kay Mayor John Rey Tabujara, nag ulan sa nagligad nga duha ka adlaw sa banwa sang Cauayan bagay nga gina abi-abi nila.Padayon pa ang pag consolidate nila sang ila nga report.Damlag pa, ginsiling sang alkalde nga gina consider nila ang pag paidalom sa state of calamity sang banwa.Pero sa karon, ang tikang nga ila ipatuman para mabuligan ang 127 ka mga mangunguma nga apektado sang pagmala sang duta dala sang El Nino phenomenon amo ang pag release sang food assistance gikan sa DSWD kag ang financial assistance nga gikan mismo sa pondo sang banwa.Suno kay Tabujara, ang kantidad ang maga depende sa mangin recommendation naman sang ila ...

Sa report sang Negros Oriental Police Provincial Office sang Sabado duha ang patay kag tatlo ang ginhingagaw dala sa ospital agud mabulong matapos ma-expose sa gas samtang nagapasulod sa isa ka kweba sa Sitio Binukgayan, Barangay Apoloy sa Siaton.Kabahin ang mga biktima sa 15 ka mga tawo nga nagtinguha nga magsulod sa kweba.Suno kay NOPPO spokesperson Lt. Stephen Polinar, isa ka iligal nga treasure hunting ang natabo bangud sa mga narekober nga equipment sa lugar.May kinahanglan pa nga tabukon nga tubig sa baba sang kweba antes makapanaug ang mga treasure hunters.Lima ka mga lalaki ang nagsulod sa kweba kag samtang nagapasuyop sang tubig, nakakita sila sang gray nga aso nga nagagwa sa buho kag gulpi nag-itom ang tubig.Duha sa lima ka mga lalaki nga natumba kag nadu...

Isa ka lalaki nga patay na nga lapsag ang nasapwan kaina sang aga sa Brgy. Oringao sa Kabankalan City.Sa inisyal nga impormasyon gikan sa Kabanakalan City PNP, nasulod sa plastic kag ginbilin sa kanal sa Purok Pinetree malapit lang sa barangay hall sang Oringao.Suno sa kay Punong Barangay Wenifredo Penuela patay na ang lapsag sang nasapwan kag posible kaina lang sang kaagahon nabun-ag sang iloy kag ginhaboy.Nadala pa sa sulod sang plastic ang inunlan sang iloy kag nakaangot pa ang pusod sang lapsag.Sa karon suno sa punong barangay wala pa matumod kun sino ang iloy sang bata kag padayon pa ini nga gina kilala sang barangay.Natalana nga ipalubong sang barangay ang baby boy.