Romeo Subaldo

Mismo si Brigadier General Orlando Edralin, Commander sang 303rd Infantry Brigade, ang nag takod sang medalya sa apat ka soldado nga nasamaran sa nagluntad nga engkwentro sa Sitio Mansulao, Barangay Pinapugasan, siudad sang Escalante humalin Pebrero 21 tubtob 22, 2024.Ginhatag ang Wounded Personnel Medal bilang pagkilala sa pagka baganihan sang apat ka soldado sang 79th Infantry Battalion.Ginpatigayon ang awarding sa isa ka pribado nga ospital sa siudad sang Bacolod.Ang mga ginpasidunggan amo sanday 2LT Frenz Jarey Gonzales, Private First Class Sandie Cebayle; Private First Class Jiezard Mesina; kag CAA Eduardo Linogon.Samtang, ang mga evacuees ang nakapauli na sa ila nga mga balay kag balik naman sa regular ang klase sa amo nga lugar.

Matapos ang natabo nga towing kag clamping sa gwa sang Hall of Justice sang Biyernes, wala na sang may nag park sa atubang sang Hall of Justice sa Gatuslao Street pati na sa tabok sang Negros Museum.

Nagpagwa na sang announcement ang mga petroleum companies nga sa buas, Pebrero 27 may rollback. 95 sentimos sa diesel, 70 sentimos sa gasolina kag P1.10 sa karosene.Ini bangud nga gina paabot nga indi na magsaka pa ang konsumo sa produkto petrolyo sa bilog nga kalibutan sa masunod nga mga inadlaw sini nga tuig.May mga motorista nga nag komento nga kun may oil price hike, kadako sang kantidad pero kun mag rollback na, senintimos lang. Natabuan lang gid ini suno sa Department of Energy.

Temporaryo nga gin haya ang 15 ka mga napatay sa pagkahulog sang truck sa Mabinay Negros Oriental sa covered court sang Barangay Soronggon sa La Libertad.12 ka tuig ang nagligad diri man ginpang haya ang mga napatay sa landslide sa natabo nga Guihulngan quake.

Isa ka male king cobra nakit-an sa mailum sa Bago City. Gin rescue ini sang isa ka kilala nga wildlife veterinarian.Kahapon gin post ni Tata McOmish ang picture sang isa ka King Cobra nga nakit-an sa may Purok Kawayanan sa Barangay Mailum sa Bago City.May mga netizens nga nag alegar nga peke ang photo gani nag post pa gid siya sang video na mismo sang King Cobra.Nagpangayo sila sang bulig sang Community Environment and Natural Resources Office ukon CENRO sa Bago.Suno sa pamuno sang CENRO kag PENRO nga si Engr. Joan Gerangaya, natabuan man nga ari diri sa Bacolod ang wildlife veterinarian nga si Dr. Nielsen Donato. Ginpahibalo siya nga may sighting sang King Cobra sa Mailum.Delikado abe ang pagdakop sa King Cobra suno kay Gerangaya kag kinahanglan sang eksperto para dakpon i...

Nagdangat sa 15 ang patay kag duha ang malubha nga nasamaran sang mahulog ang truck sa pil-as sa Mabinay Negros Oriental.May na-recover pa nga masobra sa isa ka milyon ka pesos nga cash sa truck.[embedyt] https://www.youtube.com/watch?v=CJrIh9NL80c[/embedyt]

Patay ang duha ka mga lalaki kag isa ka babaye nga gina suspetsuhan katapo sang NPA sa nagluntad nga engkwentro las-onse sang aga kag pasado las-dos sang hapon sa Brgy. San Isidro banwa sang Toboso, kahapon nga adlaw.May kapin sa 8 ka mga nabilin nga katapo sang Northern Negros Front sang NPA ang naka engkwentro sang 79th Infantry Battalion.Suno kay Lieutenant Colonel J-Jay Javines, spokesperson sang 3rd Infantry Division ang tatlo nga napatay sa nagluntad nga engkwentro ang lunsay wala pa makilala. Narekober sa encounter site ang duha ka mga long firearms kag isa ka short firearm.Dugang pa sang army, natabo ang engkwentro bangud sa mga impormasyon sang mga sibilyan sa lugar nga may mga armado sa ila lugar.

Gin aprubahan sang Kongreso ang House Bill No. 9805 sa third kag final reading.Ang ini nga bill ang nagahatag sa Negros Electric and Power Corporation ukon NEPC sang prangkisa para maka establish, operate, kag maintain sang isa ka distribution system nga maka supply sang electric power sa end-users sa nagkalain lain nga nga areas sa Negros Occidental.225 ka members sang kongreso ang nag pabor , 9 ang nag kontra kag isa ang nag abstain sa approval sa otoridad sang NEPC nga maka operate kag improve sang electricity distribution sa ila nga franchise area. Hulaton na lang ang approval sini sa senado kag iga-forward sa Presidente.

[embedyt] https://www.youtube.com/watch?v=a270uJoslF0[/embedyt]14 ang napatay on the spot kag tatlo naman ang nasamara sa aksidente sa Mabinay sa Negros Oriental.Ini suno sa Negros Occidental Police Provincial Office. Sa report sang Mabinay PNP mga 1:45 sini nga hapon sang natabo ang aksidente sa National Highway sakop sang Barangay Bulwang.Suno sa PNP, ang truck halin sa La Libertad, Negros Oriental kag pakadto sa Mabinay. Pag-abot sa amo nga bahin sang highway, nadulaan sang kontrol ang drayber sa manubela kag nagrekta ini hulog sa banglid.Ginpang hingagaw dala sa Mabinay Community Hospital ang mga pilason para mabulong.Gina siling man sa report sang PNP nga ang mga biktima ang mga komprador sang kasapatan.

Arestado sa buy-bust operation sang Silay PNP sanday Romeo Dicto, 61 anyos, isa ka street sweeper sang siudad sang Silay kag si Romeo Ibañez, 26 anyos, gina kabig nga Street Level Individual sa Bonifacio Extension, Barangay 4 mga pasado las dos sang hapon.Nakuha sa amo nga operation ang napulo ka palstic sachet nga may unod nga gina patihan shabu nga naga balor sang P81,600 kag ang 2,800 pesos buybust money.Sa karon yara na sa kostodiya sang Silay PNP ang mga suspetsado kag pasakaan sang kaso nga pagbaligya kag paghupot sang iligal nga droga.