Patay na sang mag abot sa ospital ang drayber sang tricycle nga si Joel Co matapos nabungguan sang isa ka pick-up sa corner sang Hernaez kag Circumferential Road, Barangay Taculing sa Bacolod City pasado las 2 kaina sang kaagahon.
Ginkilala naman ang driver sang pick-up nga si Oscar Corpuz.
Suno kay Police Capt. Dax Santillan, hepe sang Police Station 6, ginbudlayan pa sila sa pagkilala sa driver sang tricycle kay wala siya sang ID.
Suno sa pulis, base sa panaysayon sang mga saksi, naga dalagan ang tricycle sa Circumferential Road gikan sa Alijis padulong sa Bacolod City Government Center.
Ang pick-up naman ang nagadalagan sa Hernaez Street padulong sa Barangay Mansilingan.
Gindusdos sang pick-up ang tricycle mga 50 metros ang kalayuon gikan sa intersection padulong sa signage sang Total Gas station.
Nawasak naman ang tricycle sang biktima kag nag angkon siya sang mga pilas sa lawas nga gintunaan sang iya kamatayon.
Detained naman karon sa custodial facility sang Police Station 6 ang driver sang pick- up.