Romeo Subaldo

Sa checkpoint sa Purok Camansi, Brgy. Banago sa Bacolod City, las-10 sang gab-i, na aresto ang mga lalaki nga mag ulutod sang kagab-i.Ginkilala ang mga suspek nga sanday Rostum Arangga, 19-anyos kag magulang sini nga si Eric Arangga nga mga taga Hacienda Chona, Brgy. Lantad, Silay City. Upod nila nga naaresto ang mag-utod man nga sanday Elwin Besonia kag Wilfred Besonia, sang Hacienda Gin-alayan, Brgy. Tortosa, Manapla.Naglabay sa checkpoint sang Police Station 3 ang mga suspek kag ginparahan ang mga ini bangud wala sang ginasuksok nga helmet.Sang ginpangitaan sang driver’s license ang mga suspek, naaktuhan ang mga ini nga may ginhaboy nga suspected shabu kag improvised glass tooter nga may traces man sang suspected shabu.

Natublag ang mga residente sang Cadiz City kahapon sang naglapta ang isa ka mensahe gikan sa isa ka concerned citizen nga naga siling nga indi anay magwa sa balay ang mga pumuluyo sang kahapon kay may gina lagas ang army nga pilason nga NPA nga sakay sa motor padulong sa Sito Alimatoc sa Barangay Celestino Villacin sa Cadiz City.Sa Facebook page sang Cadiz LGU nga Bilis Cadiz ginsiling nga indi matuod ang amo nga impormasyon kag dapat ang mga pumuluyo magkuha lamang sang impormasyon sa LGU mismo ukon sa PNP angut sa amo sini nga mga sitwasyon.Ginsiling man sa page nga dapat indi magpalapta sang mga impormasyon sa social media nga magatuga sang kahadlok kag maga guba sang kalinong sang komunidad.

Arestado ang isa ka job order worker nga na assign sa Silay City Water District kag isa pa ka lalaki sa buy- bust operation sang Silay PNP sa Matagoy Interior, Brgy Rizal, Silay City, Miyerkules sang hapon.Ginkilala ang JO kag subject sang buy-bust nga si Jomel Monteflor, 38-anyos, plumber sang Silay City Water District kag residente sang Brgy. San Jose, EB Magalona. Upod niya nga na aresto si Genesis Palma.Nakuha sa mga suspek ang 13 grams sang suspected shabu nga nagabalor sang ₱88,400.

Makita pa sa CCTV footage ang paglupok sang granada sa isa ka kapehan sa Sitio Medina, Barangay Rizal, San Carlos City sang Martes ang aga.Ginkilala ang mga pilason nga sanday Leonora Masaba, 75-anyos, tag-iya sang kapehan iya anak nga si Julius kag ang bulig sa kapehan nga si Rochelle Larisma.Nahalitan naman ang salakyan ni Police Senior Master Sergeant Leonardo Luague nga na assign sa Dumaguete City, Negros Oriental.Suno sa Deputy Chief of Police sang San Carlos Police Major Ryan Villasario, gilayon nga nagpalagyo ang suspek matapos nga maghaboy granada sa kapehan.Tigayon nga na aresto sang kagab-i ang isa ka job order employee sang Department of Public Works and Highways nga amo ang suspek sa paghaboy sang granada.Suno sa kay Mayor Renato Gustilo sang San Carlos, gil...

Ginkansela na sang Department of Foreign Affairs ang pasaporte ni anay Negros Oriental Cong. Arnolfo Teves, Jr., nga tubtub sa karun gina siling nga naga pabilin sa Timor Leste.Ginkumpirma sang Department of Justice nga magahingyo na sila sa gobyerno sang Timor Leste nga ipa-deport ang anay mamalidha.Sa isa ka pahayag, ginsiling ni Justice Assistant Sec. Mico Clavano nga nagpadala na sila sang request letter sa Timor Leste nga pabalikon ang anay opisyal sa Pilipinas.Kun batunon sang Timor Leste ang request sang Pilipinas, suno sa DOJ mapasabat na si Teves sa mga kaso nga ginpasaka batuk sa iya may kaangtanan sa pagpatay kay anay Negros Oriental Governor Roel Degamo.

21,060 tanan ka mga piso ang nagkalamatay sa sunog kag bag-o gid lamang ini na load sang nagluntad ang sunog sa isa ka poultry farm sa Prk. 5, Buro-buro, Brgy. Alangilan Bacolod City, Martes sang aga.Suno kay F02 Anthony Val Isansa, investigator on case sang Bureau of Fire Protection (BFP) Bacolod, totally damaged ang poultry farm nga ginapanag-iyahan ni Fidel Henares. Himo sa mixed materials ang iya nga poultry farm.May mga paso naman sa nawala nga butkon ang isa ka empleyado sang poultry nga si Hernanie Bagaforo.Nagapadayon pa ang imbestigasyon sang BFP kun ano ang gin halinan sang kalayo. Nagdangat sa P600,000 ang halit nga natuga.

Bangud nga wala sang may makuhaan sang baboy, nagapakalab-ot pa sa Negros Oriental ang mga komprador para mangita sang inug supply sa merkado.Halos lima ka pilo ang ginsaka sang presyo sang baboy didto.May report si Romeo Subaldo.

Pulis patay matapos masangit ang iya motor sa tricycle sa banwa sang Murcia.Patay si Police Corporal Edward Peña, 36-anyos sang Murcia PNP sang masangit ang iya gina dala nga motor sa isa ka tricycle sa National Road, Hacienda Bernabe, Brgy. Salvacion banwa sang Murcia, Lunes sang hapon.Ang driver sang tricycle ginkilala sa kay Rizzy Tanaleon, 31-anyos kag may karga nga apat pa ka mga pasehero.Suno sa kay Police Captain Rodney Sarona ang Deputy Chief of Police sang Murcia PNP, gikan sa duty si Peña kag papuli na sa Brgy. Salvacion.Gina-alegar nga nag overtake si Peña sa tricycle pero nasangit diri ang iya nga motor gani nag balang balang kag nadulaan sang kontrol ang pulis.Natumba siya kag nalampus sa dalan ang iya ulo.Wala siya sang suksok nga helmet sang nat...

Lalaki nga paralisado patay matapos wala maka gwa gikan sa nasunog niya nga balay sa San Carlos.Patay si Ricardo Tignera nga isa ka paralisado matapos masunog ang iya balay sa Sitio Bunga-Bunga, Barangay Nataban, San Carlos City sang Lunes.Sa inisyal nga impormasyon gikan sa Bureau of Fire Protection, wala na makagwa sa nagakasunog niya nga balay ang biktima bangud sang iya nga estado.Gina usisa man sang BFP ang pahayag sang pamilya nga posible ang gina hithit ga sigarilyo nga lumboy ang ginhalinan sang kalayo.Padayon pa ang imbestigasyon sang bombero kag nagdangat naman sa P25,000 ang damage sang kalayo.

Suspek sa pagpangbuno sa banwa sang Hinigaran patay matapos nga gintiro sang pulis bangud nagpalupok sang pusil.Love triangle isa sa mga motibo sa pagpangbuno suno sa PNP.