Makita pa sa CCTV footage ang paglupok sang granada sa isa ka kapehan sa Sitio Medina, Barangay Rizal, San Carlos City sang Martes ang aga.
Ginkilala ang mga pilason nga sanday Leonora Masaba, 75-anyos, tag-iya sang kapehan iya anak nga si Julius kag ang bulig sa kapehan nga si Rochelle Larisma.
Nahalitan naman ang salakyan ni Police Senior Master Sergeant Leonardo Luague nga na assign sa Dumaguete City, Negros Oriental.
Suno sa Deputy Chief of Police sang San Carlos Police Major Ryan Villasario, gilayon nga nagpalagyo ang suspek matapos nga maghaboy granada sa kapehan.
Tigayon nga na aresto sang kagab-i ang isa ka job order employee sang Department of Public Works and Highways nga amo ang suspek sa paghaboy sang granada.
Suno sa kay Mayor Renato Gustilo sang San Carlos, gilayon nga naaresto ang suspek kag yara na sa kustodiya sang San Carlos City PNP.
Dugang pa sang alkalde nga nagtanyag ini sang 150,000 pesos nga padya sa makatudlo kag makatumod sa suspek pero ini ang nadakpan pinaagi sa hot pursuit operation sang kapulisan.
Sa karon under interrogation ang suspetsado agud matumod kun ano ang iya mga motibo sa krimen kag ini ang magapangatubang sang kaso nga tatlo ka counts sang frustrated murder.
Gina paathag sang LGU nga isa ka isolated case ang natabo kag ang siudad ang safe sa gihapon nga kaladtuan. Sasko lang man kuno ang natabo nga bomb threat sang kahapon man nga adlaw sa isa ka mall sa San Carlos.