Romeo Subaldo

Sa statement nga ginpagwa gikan sa kampo ni Talisay City Mayor Neil Lizares iya ginsiling nga isa ka mapisan nga empleyado ang ginpatay nga si Mike Lumawag sang Treasury Office sang siudad.Naga upod siya sa kalisod sang pamilya kag naga panawagan sang hustisya para sa kamatayon sang biktima kag suno pa sa alkalde nga ang wala sang rason nga pagpamatay kag pamahog sa mga Talisaynon ang wala gina tolerar sang siudad.Kahapon sang aga sang gintiro si Lumawag samtang naga panaog sa iya nga salakyan sa gwa sang ila nga balay sa Carmela Valley. Bag-o lang gid siya nakatapos sa pag dul-ong sa eskwelahan sa iya nga anak sang gintiro siya sang lalaki nga naga sakay sa motorsiklo. Isa sa mga gina lantaw nga motibo sa krime sang PNP amo nga posible may kaangtanan sa iya nga trabaho an...

Pinaagi sa bulig sang mga pumuluyo, lalaki nakuhaan sang malapit sa P800,000 nga balor sang shabu sa Silay City.Nakuhaan sang suspected shabu ang isa ka High Value Individual nga si Ronilo Santillan, 35 anyos sa ginpatigayon nga buy-bust operation kahapon sang hapon sa Hda. Colisap 2, Brgy. E. Lopez, Silay City.Ang buy-bust operation ginpatigayon sang Drug Enforcement Team sang Silay PNP upod ang NOCPPO kag mga PDEU personnel.Suno sa hepe sang Silay PNP nga si Lt. Col. Mark Darroca madugay na nila nga gina bantayan ang suspek matapos maka baton sang impormasyon gikan sa mga concerned citizen sa iya iligal nga hilikuton.Nakuha sa iya ang 15 ka sachet sang suspected shabu nga ginabulubanta nagabug-at sang 112 grams, kag naga balor sang P761, 600.

TUP Visayas Binalbagan campus gina lauman nga maka sugod na sa pag baton sang mga estudyante sa sulod sang duha tubtob tatlo ka tuigNaga sugod ang pag-survey sa donated area sa Barangay San Jose nga patukuran sang Technological University of the Philippines - Binalbagan campus.Suno sa Campus Director sang TUP Visayas nga si Eric Malo-oy, naglab-ot sa P25M ang donation kag pledges sa pagpatukod sang ila nga Binalbagan Campus.Gikan ang pledges kag donation sa kay Franklin Fuentebella sang Carmen Agricultural Development Corporation, 5th District Cong.Dino Yulo kag Mayor Alejandro Mirasol.Dugang pa ni Malo-oy nga maga sugod na ang construction sang building sini nga tuig kag gina lauman nila nga sa sulod sang duha tubtob tatlo ka tuig maka sugod na operate ang campus....

https://youtu.be/AfxOtHz2ChEPNP maga-recommend sang pag-revoke sang driver’s license sang nanumbag kag nangbuka windshield nga motorcycle rider.Nakuhaan naman sa dash cam ang nagluntad nga gamo.

Empleyado sang Talisay City LGU patay sa pagpaniro.Wala nakaluwas si Mike Lumawag, empleyado sang Treasury Office sang Talisay City matapos nga gintiro kaina sang aga sang wala pa makilala nga suspetsado sa iya puluy-an sa Carmella Valley, Brgy Zone 12-A siudad sang Talisay.Bag-o niya lang gid nadul-ong sa eskwelahan ang iya nga anak sang hinali na lang siya gintiro sang nanaog sa salakyan para buksan ang ila sini nga gate.Apat ka sunod-sunod nga lupok sang pusil ang nabatian sang mga saksi kag ila man nakita ang isa ka lalaki nga naka helmet nga nanaog sa itom sini nga click nga motor kag gintiro ang biktima.Gilayon man ini naghingagaw palagyo matapos matapos niya gintiro ang biktima.Gina usisa sang PNP kun bala may kaangtanan ang trabaho ni Mike sa City Hall sa p...

Lalaki nga nagapanghaboy bato sa mga nagalinabay nga jeep sa Barangay Mansilingan, sa Bacolod ang nadakpan na.Malawig naman nga ginapangita sang kapulisan si Rolando Escala alyas Kulafo tungod magluwas sa kaso sang pagpangawat, siya man ang ginatudlo responsable sa pangpanghaboy sang bato sa mga nagalinabay nga modernized jeepney malapit sa Barangay Mansilingan.Ginsiling ni Police Captain Lelanie Lagoting, commander sang Police Station 10, namutikan sang suspek ang tuyo sang mga pulis amo nga nagpalagas siya kag nag akto nga mabato sa mga pulis gamit ang kutsilyo.Apang gilayon siya nga na-corner kag nadakpan.Nakuhaan man sa iya ang gin alegar apat ka sachet sang suspected shabu. Si Escala ang street level individual sang kapulisan.

Motorcycle rider nga nag trending sadto matapos mang handus sang kutsilyo sa grupo sang bikers sa Talisay City ang gin-detain sa Police Station 4 sa Bacolod matapos nga manapungol kag nangbuka sang wind shield.Suno sa iya, ginbungguan siya sang salakyan gani nagbalos lang siya.

SA CCTV video sang LGU sang Ilog, makita nga naga pasaka ang isa ka truck nga may karga nga tubo sa may Talubangi Bridge sa Kabankalan City sang kahapon. Nag amat-amat hilay patuo ang truck tubtob nga natumba ini.Suno sa hepe sang Kabankalan PNP nga si Police Lt. Col. Roberto Indiape, posible nga nag likaw ang driver sa gina kaayo nga dalan antes ang talaklaron nga dalan amo kun ngaa na alang-alang ini samtang naga pasaka kag natumba.Dugang pa niya, masami nga may nagakatabo nga aksidente sa sini nga bahin sang highway bangud naga kurbada kag talaklaron kag may dalan pa gid pasulod sang banwa sang Ilog nga masako man.Panugyan niya sa mga motorista, mag hinay-hinay lang kun mag labay sa sini nga taytay para maka likaw sa aksidente.

Sa video nga kuha ni Arthur Yap, makita nga madasig nga ginlamon sang kalayo ang second floor sang isa ka balay sa Magsaysay Avenue sa Barangay Singcang-Airport sa Bacolod City, Domingo sang hapon.Naglapta ang kalayo sa duha pa gid nga katupad nga mga balay. Suno sa kay FO2 Rolin Paulan, Chief Investigator sang BFP-Bacolod nga totally destroyed ang tatlo ka mga balay sa nagluntad nga sunog.Nagdangat sa 1st alarm ang sunog nga nagtuga sang P160,000 nga balor sang kahalitan.Ginkilala ang tag-iya sang tatlo ka mga balay nga sanday Ercel Sonalan, Jesus Rodriguez kag Eduardo Barbas.Dugang pa sang BFP-Bacolod, nagsugod ang kalayo sa kusina kag kwarto sang balay ni Sonalan. “Electrical Ignition” naman ang gina lantaw nga gintunaan sang kalayo.

[embedyt] https://www.youtube.com/watch?v=94Igzxf0AdM[/embedyt]Dayalogo sa tunga sang mga punong barangay, e-bike kag e tyk operators, lokal nga panguluhan sang bacolod kag mga ahensya sang gobyerno angut sa pag regulate sang pagbiyahe e-bike kag e-trike sa mga karsada sang Bacolod.