Monitoring sa shoreline sa fourth district ang ginatutukan sa karon sang African Swine Fever Task Force.
Ini suno kay Dr Placeda Lemana, ang OIC-Provincial Veterinarian kasunod sang kaso sang ASF sa Guimaras. Suno kay Lemana, maid-id ang monitoring nga gina patigayon batuk sa pork kag pork meat products bangud nga may mga sakayan pandagat gikan sa area sang fourth district nga naga biyahe padulong Guimaras kag pabalik. Ang Buenavista kag Jordan sa Guimaras ang may mga kaso sang ASF sang Disyembre pa.
Samtang sa mga puerto sa Bacolod, nag hagan-hagan naman gid ang pagbitbti sang ginadumilian nga pork kag porkmeat products gikan sa isla sang Panay. Suno kay Lemana mahimo nga nakahibalo naman gid ang publiko sa ginadumilian nga produkto.
“24/7 kita sa aton nga pagbantay, especially sa shoreline naton diri sa District 4, kay ang Guimaras positive na siya. So we’re happy nga sa barangay level pakadto sa LGU ara gid ang support kag ang aton stakeholders dira sa District 4 grabe gid ang support kay tungod dira sa District 4, dira gid halos commercial farms, piggery, ara da ang dalagko nga piggery sa District 4”, suno kay Lemana.
qSa pihak nga bahin, nagdangat sa masobra 245,000 ang halit nga natuga sang mabunok nga ulan sang nagligad nga semana sa mga kasaptan. Padayon ang panawagan sang Provincial Veterinarian nga halungan ang kasapatan labi na kun malain ang tiempo para malikawan man ang ila nga pagmasakit.