Designated areas italana para sa kapin 1,000 ka sidewalk vendors nga temporaryo madulaan sang palangabuhian.
Sa Enero 31 plano nga isaylo na sang siudad ang mga vendors sa gwa sang Libertad Market kag Burgos Market pasulod sa bag-o kaayo nga mga merkado.
Ginsiling ni Councilor Celia Flor, pamuno sang Committee on Markets and Slaughterhouse sang konseho nga indi tanan ang sarang ma-accommodate sa sulod sang merkado gani ginapaabot nga kapin sa 1,000 man nga mga vendors, kadam-an diri mga sidewalk vendors ang temporaryo nga mawad-an sang palangabuhian sa tion nga ipatuman na sang siudad ang pag-regulate sa mga vendors kag pagpahalin sa ila sa mga kilid sang karsada nga wala gintalana para baligyaan.
Ang mga sidewalk vendor sa Amelia kag Mercedes ang una nga ginpangakas sang katapo sang City Legal Office Enforcement Unit. Gani nakigsapol na si Flor sa katapo sang Local Market Committee upod sa Bacolod Traffic Authority Office agud ma-identify ang mga dalan, ilabi na sa downtown area nga pwede mahimu lugar para sa mga sidewalk vendors.
Sa ginadihon nga Vending Ordinance iga-regulate man ang oras sang pagbaligya sang mga sidewalk vendors sa mga designated areas for vending.