Anay Sugar Regulatory Administrator nagpabutyag sang pila ka mga concerns angut sa gina duso nga aerial spraying kontra sa RSSI nga naga atake sa mga katubuhan. Ang proposal dapat maid-id nga tun-an suno sa iya.
Nagpabutyag sang pila ka maga pamangkutanon si anay SRA Administrator Rafael Coscolluela sa gina propose ni UNIFED President Manuel Lamata nga aerial spraying.
Ginalantaw ni Coscolluela ang posible epekto kaangay sa mga poultry farms, sa wildlife kaangay sang mga beneficial insects bisan pa sa ground water kag iban pa gid sang source sang tubig.
Luyag man niya mapat-od kun ano gid nga sahi sang chemical nga gamiton.
Ginduso ni Lamata ang aerial spraying nga naga balor sang P200 million para sa P250,000 hectares sang katubuhan sa isla sang Negros.
Iya man ginsiling damlag pa, nga safe ang amo nga aerial spraying sa kasapatan kag sa mga area nga malapit sa pamalay maga distansya na kag drone na ang paga gamiton.
Suno kay Coscolluela mas luyag nila nga mag mobilize sang kadam-an kag mag patigayon sang spraying nga mangin focus targetted, indi sweeping.
Daku ang mangin papel sang LGU sa pag coordinate lakip na sa mga planters association kag sa iban pa gid nga stakeholder suno kay Coscolluela.
Gina duso nila ang comprehensive science-based systematic plan of action nga pamunuan sang gintukod nga task force kontra sa RSSI.
[sibwp_form id=1]