Natalana nga sugudan ang pagpalapad sang pre-departure area sang Bacolod-Silay Airport sa Agosto 10 sini nga tuig.
Ini ang ginkumpirmar ni Deputy Speaker kag Bacolod City Lone District Representative Alfredo Abelardo Benitez sa iya nga State of the District Adress ukon SODA.
Ang ini nga proyekto ang magapalapad sang seating capacity sang nasambit nga area sa 1,480 nga sa karun yara lang sa 500 seating capacity.
418 million pesos ang pondo para sa pagpatuman sang amo nga proyekto. Ginaduso naman ni Benitez ang 380 million pesos nga runway expansion sang airport.
Samtang, may duha naman ka flyovers nga ginaplano ang kongresista nga ipatukod sa Bacolod City Circumferential Road-Burgos Avenue kag Circumferential Road-Alijis intersections.
Suno sa iya magutok na ang mga dalan, ilabi na kun rush hour, kag ang pagbutang sang flyovers ang isa sa mga solusyon agud mapahagan-hagan ang lakat sang trapiko.
Padayon man nga ginaduso ni Benitez ang pag-install sang masobra sa isa ka libo nga mga solar-powered streetlights sa mga mayor nga dalanon sa Bacolod kag ang pagdevelop sang dugang nga farm-to-market roads sa Granada, Vista Alegre, Tangub, kag Alangilan.
[sibwp_form id=1]