Shadow

8 ka mga gina alegar katapo sang NPA patay sa engkwentro sa Army

303rd IB photo

Patay ang walo ka gina patihan miyembro sang New People’s Army sa nag luntad nga enkwentro kahapon sa tunga sang army upod sang PNP batuk sa mga rebelde sa Sitio Agit, Brgy Trinidad, sa Guihulngan City.

Sa mga litrato nga ginpadala sang source sang Digicast Negros makita ang mga naga idas nga mga bangkay nga na karga sa mga improvised nga mga stretchers. May mga igo sang bala sa nagkalain lain nga bahin sang ila nga mga lawas ang mga gina patihan katapo sang NPA.

Suno kay Major Cenon Pancito, spokesperson sang 3rd Infantry Division, nag padala sang tropa ang army upod sang PNP bangud sang gin report nga presensya sang mga rebelde sa amo nga lugar.

Sang pag abot sang tropa didto na nag sugod ang pag bayluhanay sang lupok batuk sa gina bulubanta 40 ka miyembro sang NPA.

Nag lab-ot sa tatlo ka oras ang enkwentro suno sa army.

Wala naman sang may napatay ukon nasamaran sa bahin sang army kag PNP suno kay Pancito.

Na recover man sang otoridad ang onse ka mga high powered firearms.

May mga IEDs man kag mga magazines, bala kag iban pa nga gma dokumento nga na recover.

Si Pancito nag siling nga padayon pa tubtob karon ang operation sang army agud malagas ang mga naka palagyo pa nga mga rebelde.

Leave a Reply

Your email address will not be published. Required fields are marked *

Secured By miniOrangeSecured By miniOrange