Shadow

3,000 lang sa 33,000 nga target ang nabakunahan nga health workers sa Negros Occidental

As of March 22, halos tres mil ka mga health care workers sa mga ospital sa Negros Occidental ang nabakunahan sang COVID-19 vaccines.

Suno kay Dr Ernell Tumimbang ang provincial health officer kag mismo in-charge sa pabukana, 2491 ang nabakunahan sang Sinovac kag 350 naman ang AstraZeneca.

Halos naubos na ang bakuna nga ginpadala sa mga ospital.

Kabahin sang SOP suno kay tumimambang amo nga sa sulod sang anum ka adlaw humalin sang gindeliver ang bakuna dapat ini ang nadapat na. Kun indi gid man maubos igahatag ini sa lgu kag igatalana para sa masunod nga mga priorities sa listahan.

May 33,000 ka mga health care workers ang Negros Occidental kag ini sila ang yara sa A1 list.

Bwas nga adlaw natalana ang delivery sa mga LGU sang 1200 ka mga sinovac vaccines nga sang lunes lamang nag abot.

Suno sa regional director sang DOH nga si Dr Emilia Monicimpo sa Western Visayas 94,000 ang health care workers kag 23,000 pa lang diri ang nabakunahan. Nakabaton man sang impormasyon ang DOH Region 6 nga may bahin sa ginapaabot nga 400,000 ka dose sang Sinovac ang rehiyon. Nasandig sang priority list ang paghatag sang bakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange