Malala na ang kondisyon sang 47 anyos nga taga-barangay Banago sang na-admit sa ospital sang Abril 18.
Sa record sang Bacolod City Health Office, apat ka adlaw nga naglain ang iya pamatyag, ginhilanat kag nagpalangurog antes pa man nagpa-ospital.
Sang Abril 20, wala na matabangan ang pasyente kag napatay.
Nagapangabay si Environment and Sanitation Division Head Dr. Grace Tan nga ipaiway ang pag-ubog sa baha kag ipasiguro nga magpakunsolta sa duktor kun may ginabatyag agud gilayon nga mabulong.
Nagapahandumdom man siya sa publiko nga ipabilin ang malimpyo nga palibot agud nga mapaiway ang pag-istar sang mga ilaga.