Premium rice ukon yadtong imported rice ang nagbarato sa mga duha ka pesos tubtob lima ka pesos ang kilo.
Suno kay Engr Jose Albert Barrogo ang Department of Agriculture – Negros Island Region Director ang presyo sang bugas sa ila nga monitoring nagpanaog sa duha ka pesos ang kilo.
Kag ini ang sa premium rice lamang ukon imported rice.
Wala sang pag bag-o sa presyo sang local rice.
Suno kay Benjie Tupas nga naga negosyo sang bugas sa Burgos Public Market, ang kilo sang imported rice sadto kaangay sang Hasmin rice ang nagalab-ot tubtob sa 60 pesos ang kilo.
Pero karon, humalin pa sa tunga-tunga sang bulan sang Abril nanaog na ini sa 55 tubtob 56 pesos ang kilo.
Paathag ni Tupas, nag barato ang pagkuha nila sang bugas gikan sa ila nga supplier.