Mayor Albee Benitez kag pamuno sang BTTMD pabor sa ginaduso nga drug test sa mga public utility vehicle drivers.
Natungod sang mga nagluntad nga mga aksidente resulta sang pagka-utas sang kabuhi gin-anunsyo ni Department of Transportation Secretary Vince Dizon nga ipaidalom sa mandatory drug test ang tanan nga mga drayber sang mga pampubliko nga mga depasahero nga salakyan.
Suportado ini ni Mayor Albee Benitez nga nagsiling nga dapat surprise drug test ang ipatuman agud indi makalusot ang mga naga-gamit sang iligal nga droga.
Ginpahayag naman ni Bacolod Traffic and Transportation Management Department officer in charge Patrick Lacson nga magluwas sa drug test dapat man ipasiguro nga may yara sang insurance kag indi colorum ang mga nagabyahe nga mga PUVs.
Ang DOTr ang nagapakig angut karon sa Land Transportation Franchising and Regulatory Board, Land Transportation Office kag Philippine Drug Enforcement Agency para sa pagpatuman sang drug test.