Tubtob sa Agosto 3 nalang ang ginhatag nga tion sang Bacolod City Legal Office sa 41 ka mga baligyaan sa palibot sang Barangay Hall sang Barangay Tangub sa Bacolod City, agud boluntaryo nga maghalin sa ila nga pwesto.
Suno kay Levy Pangue, pamuno sang CLO Enforcement Team, nagalapaw na sa sidewalk ang mga baligyaan, rason nga nagakaapektohan man ang lakat sang trapiko.
Lakip sa mga ginserbehan sang nostisya amo ang mga nagabaligya sang utan, isda, kag mga tiangge sa palibot sang Barangay Hall.
Nagpatukod na ang mga ini sang permanent structures nga hugot man nga ginadumilian sang CLO.
Dugang ni Pangue, may yara man kuntani existing nga merkado ang Barangay, apang, magamay lamang ini kag indi man makaigo ang mga manugbaligya sa sulod.
Apesar sini, kinahanglan nga maghalin ang mga vendors sa palibot sang Barangay Hall bangud ginadumilian ang pagbaligya sa amo nga bahin sang lugar.
Sandig sa pagpang-usisa sang Enforcement Team, nagabayad man sang arkila ang mga vendors sa Barangay, pero indi ini rason agud makapatukod sila sang permanent structure.
Wala naman sang may nagpamalabag nga vendors sa plano sang CLO nga hawanan ang amo nga area.
[sibwp_form id=1]