Naga pabilin nga under control ang African Swine Fever cases sa Negros Occidental.
Sa datus nga gin-release ni Negros Occidental Governor Eugenio Jose Lacson sa media sang Hulyo 21, may 2,188 ka mga baboy nga nagkalamatay gikan sa 14 tanan ka mga LGU sa probinsya.
3.54 percent ini kun ibase sa total hog population sang 14 nga LGU nga yara sa 61,854.
Ang 2,188 ka mga patay nga baboy ang na-igo sang nagkalain-lain nga masakit.
Labing mas maayo ang sitwasyon karon sang probinsya kun ipaanggid sadtong tion nga una nag igo ang ASF kun sa diin may yara sang massive hog deaths suno sa gobernador.
Humalin sa record sang nagligad nga semana, tatlo lamang ka baboy ang nadugang sa hog mortality.
Naga laum si Lacson nga mangin tayuyon nga mag-ayo ang sitwasyon kag ma eradicate liwat ang ASF.
[sibwp_form id=1]