Ginkumpirma sang probinsya nga may yara sang apat ka mga travelers gikan sa South Africa nga yara karon sa Negros Occidental.
Suno kay provincial administrator Rayfrando Diaz ang tatlo sa ila mga expatriate kag naga serbe nga consultant sang kumbuyahan nga nabase sa probinsya.
Ang isa sa tatlo ang nagpadulong sa La Carlota City, ang isa sa Manapla kag ang isa sa Calatrava.
Ang ika apat sa Pontevedra kag karon sila ang naka home quarantine. Ang isa ang naka schedule sa swab test subong nga Martes kag ang nabilin naka schedule sa bwas nga adlaw.
Suno kay Diaz, ang duha sa tatlo nag-abot sa probinsya Nobyembre 25 ang isa naman Nobyembre 26.
Sila ang mga fully vaccinated kag nahatagan sang clearance sang Bureau of Quarantine nga mag biyahe padulong sa Negros Occidental. Dugang pa ni Diaz, sa line list sang mga pasahero sang BOQ makit-an nga naka saad nga ang mga natungdan indi kinahanglan sang government facility quarantine kag may pahanugot sa pagbiyahe.
Ang ika apat ang nahatagan man gani sang pass through permit sang Bacolod.
Wala labot diri, naka petsa Nobyembre 26 and advisory sa banning sa South Africa kag iban nga pungsod bangud sang Omicron variant sang Covid-19. Naka abot na ang mga natungdan antes pa man ang banning ginpatuman. Sa tion sang ila nga pag abot, kabahin pa sa listahan sang mga green countries ang pungsod nga ila ginhalinan. Sang nakabaton sang abiso ang probinsya gikan sa BOQ ginpapangita sila sang probinsya rason nga naka quarantine na sila karon nga magalawig sang 14 diyas.
Wala sang dapat nga ika alarma kag kuntani untatan na ang misinformation suno kay Diaz.
“Indi na ya naton obra to screen ang international travelers. There’s nothing to blame sa province. There’s nothing to blame sa local LGUs ta di. Because again when travelers enter the Philippines sa aton airport sa Manila, it is the BOQ who handles everything and once cleared by the BOQ we have no reason to deny them entry into the province. Now may ara man gani isa, there’s a fourth person nga nag abot man diri from South Africa. And you know what nag apply sya sa travel pass through permit sang Bacolod and gin aprobahan man sang Bacolod ang ina nga traveler”, suno kay Diaz