Shadow

30% ang vaccinated sa target population sang Negros Occidental

Capitol photo

30 porsiento sa target nga mabakunahan sang Negros Occidental ang nalambot sang probinsya. Sa November 21 nga report, 548,010 ang nakabaton sang at least isa ka dose sang bakuna.

408,050 naman ukon 22.35 percent ang fully vaccinated. Padayon ang deployment sang mga vaccination teams sang probinsya sa mga local government units agudto mapadasig ang vaccine roll out.

Nagsaka naman ang weekly average nga mabakunahan sang probinsya kag ini ang nagdangat na sa 66, 909 suno kay provincial administrator Rayfrando Diaz. Ginahandaan naman sang Negros Occidental ang national vaccination days nga natalana sa November 29 tubtob December 1.

Sa DOH Region 6 nga guidelines, 172,269 ang target sang Negros Occidental sa kada adlaw, ukon 516,807 sa sulod sang tatlo ka adlaw. Naga pabilin nga prayoridad sang probinsya ang pag lab-ot sa mga wala pa mabakunahan.

Naka baton naman ang probinsya sang request bahin sa booster shots para sa mga senior citizen, ang guidelines suno kay Diaz amo nga ginapatuman ang booster shots anum ka bulan pagkatapos sang damlag pa nabaton nga bakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange