Shadow

2 patay, 4 pilason sa separado nga insidente sang bungguanay sa Manapla kag Bago

Manapla PNP photo

Patay ang driver sang motorsiklo nga si Ramiro Diosana matapos ini mag bunggo sa isa ka tricycle sang sabado sa highway sang Barangay 1-A sa banwa sang Manapla.

Sa imbestigasyon sang PNP, si Diosana ang nag overtake sa gina sundan sini nga salakyan kag sa iya pag balik sa lane, iya nabungguan ang pangulihi nga bahin sang tricycle.

Patay si Diosana bangud sang pag bunggo samtang pilason naman ang driver sang tricycle kag duha ka pasahero.

Samtang, patay man sang biyernes ang backrider nga si Leonel Gumiling kag pilason naman ang driver sang motor nga si Mark Ryan Gumolon matapos sila mabungguan sang truck sa highway sakop sang Barangay Djla sa siyudad sang Bago.

Suno sa Bago PNP, posible wala matalupangdan sang driver ang naga lapta nga tubo sa dalan gani sang malabyan ini sang motor, natumba ang motorsiklo sa pihak nga lane.

Kag nabungguan naman sila sang naga sugata nga truck.

Dead on arrival si Gumiling sa ospital samtang padayon nga ginabulong karon si Gumolon.

Leave a Reply

Your email address will not be published. Required fields are marked *

Secured By miniOrangeSecured By miniOrange