Pagpatigayon sang sports events sa 26th Kadalag-an Festival kabahin sang plano sang siudad sang Victorias nga mangin sports tourism center. Beach volleyball, Boxing, basketball kag iban pa nga sports event ang natalana para sa pre Kadalag-an Festival activities sang siudad sang Victorias sa Marso 14 asta 17.
Ginsiling ni Mayor Javi Benitez nga sa nahauna nga tion ipatigayon ang Sidlak Trinity Medal Challenge kun diin may yara sang duathlon, obstacle course race kag uphill run.
Upod sa Asenso Sidlak Foundation Incorporated, tinutuyo sang alkalde nga mangin sport tourism center ang siudad.
Sang ini lang nga hapon opisyal man nga ginpirmahan sang alkalde kag organizing committee ang kasugtanan sa pagsaulog sang 26th Kadalag-an Festival.
Kabahin sa mangin highlights sang tuigan nga festival ang charter day celebration sa Marso 21, Kadalag-an Queen Coronation Night sa Marso 22, Music Festival kag Sidlak Awards Night sa Marso 24.