Provincial Social Welfare and Development Office ang natalana magpatuman sang Psychological First Aid sa mga nabilin pa sa evacuation centers sa Escalante City sa Biernes.
Naghatag na sang assistance sa mga internally displaced persons ang DSWD. Suno kay PSWD head, Chiqui Gonzales, kaina sang aga, may mga pamilya pa nga nagapabilin sa evacuation center sa Escalante City angut sa nagluntad nga encounter sa kabukiran sakop sang Barangay Pinapugasan.
Sa 250 ka pamilya nga nagpadulong sa evacuation center sang nag ligad nga semana, mga 50 ka pamilya ang nag pabilin sa evacuation center. Nadugangan ini bangud sang panibag-o nga encounter sang Pebrero 27. Sa banwa sang Toboso ang 16 ka pamilya nga nag evacuate sang Pebrero 27, suno kay Councilor Richard Jaojoco ang tigayon naka balik na sa ila nga puluy-an kaina sang aga.
Suno sa 79th Infantry Battalion 16 tanan ka mga high powered firearms ang nakuha sa amo nga mga engkwentro. Napulo diri ang na recover sa engkwentro sa kabukiran sang Toboso kag Escalante sadtong Pebrero 21 kag 22. Nagalakip ini sang AK 47, M653 rile, M1 Garand Rifles, M1 Carbines kag M14 Rifle. Nakuha man nila ang apat ka mga low powered firearms, anti personnel mine, rifle grenades, hand grenades kag iban pa gid nga war materials.
Na neutralize man nila suno sa militar ang tatlo ka katapo sang nabilin nga remnants sang North Negros Front. Sang Pebrero 27 nga encounter na-recover sang militar ang anum ka high powered firearms nga naga lakip sang carbine rifles, garand rifles kag M14 rifle kasubong man iban pa gid nga war materials.