25,000 ka dose sang Pfizer vaccine para sa kabataan nga yara sa 5 to 11 nga age group ang gina paabot sang Negros Occidental.
Suno kay Provincial Administrator Rayfrando Diaz, ini ang ginpasalig ni vaccine czar, Sec Vivencio Dizon para sa probinsya kag mahimo nga maga abot kun indi karon nga Lunes, bwas nga adlaw.
Ini ang labing ginapasalamatan sang probinsya agudto mangin tayuyon ang pagpatigayon sang pagbakuna sa mga kabataan sa amo nga age group. Natalana naman nga magbaton sang ila nga second dose ang una nga mga batch nga ginbakunahan.
Samtang, padayon naman ang pagnubo sang Covid-19 cases sang Negros Occidental. Sa March 6 nga report sang Provincial Incident Management Team, 5 ang new cases kag nanaog na sa 92 ang active cases. 19 percent na man lang ang occupancy rate sang Covid Hospital sa Cadiz.
Gina lauman nga sa Marso 16, maga panaog na sa alert level 1 ang Negros Occidental. Padayon naman ang pag pahanumdom sa publiko nga sa tunga sang mas nag halog karon nga restriction dapat ang naga gwa bakunado labi na nga may mga mass gathering karon nga campaign season.
Handa naman ang probinsya sa pandemic to endemic transition.