Shadow

Masobra sa P5M nga balor sang poultry products nakumpisa sa una nga semana sang Marso

PVO photo

May 5.4 million pesos nga balor sang poultry kag poultry products nga sa karon gina dumulian ang pag sulod sa probinsya ang tigayon na intercept sang task force humalin Marso uno tubtob 4.

Sa apprehension report sang Provincial Veterinary Office, masobra sa 27,000 ka kilo sang poultry kag poultry related products sa Bacolod-Silay Airport, Bredco kag Escalante port kag sa checkpoint sang Kabankalan ang tigayon na intercept sa pagpatuman sang Executive Order nga naga dumili sang pagpasulod sang sini nga mga produkto agud to mapangapinan ang probinsya batuk bird flu.

Samtang, 805 ka kilo sang tapa, tocino kag chorizo gikan sa Batangas ang na intercept man sa Bredco sang Domingo sa pagsupak sa ginapatuman nga pork ban bilang tikan batuk sa African Swine Fever.

Sa pihak nga bahin may 36 million pesos nga na download sa probinsya gikan sa quick response fund sang Department of Agriculture.

Gina hulat na lamang nga malagdaan ang MOA sa tunga sang DA kag probinsya para ma release ang pondo kag mabuligan ang mga mangunguma nga nadulaan sang kasapatan sang mag igo ang bagyo Odette. Ini kabahin sang rehabilitation program.

Secured By miniOrangeSecured By miniOrange