Masobra na sa shiento beinte porsyiento ang vaccinated sa target population sang Bacolod.
Sa record sang Emergency Operations Center may sobra naman sa otsenta porsyiento ang population protection sang siudad.
Suno kay Dr. Cris Sorongon, deputy for medical data and analysis sang EOC, mangin prayoridad nila sa natalana nga National Vaccination Days sa Marso 10,11 kag 12 ang vaccination para sa booster dose.
Kabahin diri ang para sa senior citizen,may co-morbidity kag mga health care personnel.
Ginapaabot ang pagbukas sang masobra 30 ka vaccination center halin sa mga barangay, terminal kag iban pa nga commercial establishment sa siudad nga gintalana para sa 3-day national vaccination program.