Nagdangat na sa tatlo ang ang probable death cases sang leptospirosis sa Bacolod City sini nga tuig. Sandig sa record sang Bacolod City Health Office, lunsay mga lalaki ang mga biktima.
Una nga kaso sang pagkamatay ang na record sa Barangay Mandalagan sang Enero 5, sunod naman nga napatay ang 34 anyos nga lalaki sa Barangay Felisa sang Pebrero 17 matapos na-expose man ini sa baha.
Isa ka manugbaligya sang isda nga taga Barangay Tangub ang pinakaulihi nga na report nga napatay bangud sa leptospirosis.
Samtang, may isa na ka probable death nga na record sang CHO bangud sa dengue. Isa ka 8 anyos nga bata nga babaye nga taga Barangay Villamonte ang biktima.
Nagapanugyan ang CHO sa publiko nga likawan ang pag-ubog sa baha kag ang pag-stock sang stagnant water bangud ini ang isa sa mga ginatunaan sang amo nga mga masakit.
Kun maka-ubog gid man sa baha ukon danaw, gilayon nga magpanghinaw kag mag pangayo sang bulong sa sa pinakamalapit nga health center.
[sibwp_form id=1]