May 1,000 ka mga voucher para sa AI kag language proficiency training ang gin-release sang Martes para sa mga public school teachers.
Ang vouchers para sa upskilling sang mga manunudlo sa probinsya ang gin-release sa seremonya nga gin pamunuan ni Negros Occidental Governor Eugenio Jose Lacson kag gin baton ni Negros Occidental DepEd Schools Division Superintendent, Gladys Sales.
Para ini sa mga training sang teachers sa bilog nga probinsya agudto mas mapaayo ang ila AI competency kag English proficiency. Talakayon pa ang guidelines bahin diri.
Samtang si Sales ang bag-o nga pamuno sang DepEd Negros Occidental. Siya ang gikan sa Himamaylan Schools Division antes sa assignment sa DepEd Negros Occidental Division.