Patay ang isa ka tuig nga bata nga lalaki matapos ini mapabay-an samtang naga paligo sa tub sa sulod sang ila balay sa Barangay Zone 2 sa siyudad sang Cadiz.
Suno kay Lt. Gina Fernandez, deputy chief sang Cadiz PNP, yara man ang tiyo sang bata sa sulod sang balay kag iya ulihi nakita nga nagahampang lang ang bata.
Nawili suno sa pulis ang tiyo sa pag tan-aw sa mga bata sa baybay sa atubang sang ila balay kag sang iya liwat nga ginbalikid ang bata, nalumos na ini sa tubig sa tub.
Gindala pa sa ospital ang bata pero gindeklarar nga dead on arrival.